अत्तरियाः हाल कोरियामा कार्यरत रहेका प्रेम देउवाको मोडलिङ र लोकप्रिय गायक प्रमोद खरेलको सुमधुर आवाजमा सजिएको गीत ‘घायल मुटु’ सार्वजनिक भएको छ। यो गीतले मायाप्रेमका गहिरा भावनालाई प्रस्तुत गर्दै युवाको ढुकढुकी र प्रेमका साँचो जस्तो अनूभूतिहरूलाई शब्द र सङ्गीतमा बाँध्ने प्रयास गरेको छ।
गीतको श्रीराम पौडेल ‘निर्दोष’ द्वारा लेखिएको शब्द र सङ्गीतलाई विशाल निरौलाले आकर्षक सङ्गीत संयोजन दिएका छन्। प्रकाश खड्काको छायांकन र लक्ष्मण चौहानको सम्पादनले भिडियोमा विशेष रचनात्मकता ल्याएको छ। मिन रावलको रङ सम्पादन र यमुना पाण्डेको मेकअप आर्टिस्टको योगदान उल्लेखनीय छ।
Attariya Hospital new
Nabajiwan add
विक्रम चौहानको निर्देशनमा बनेको भिडियोमा प्रेम देउवा र स्मारिका ढकालको आकर्षक अभिनय देख्न सकिन्छ, जसले गीतलाई अझ रोचक बनाएको छ। यो गीतले प्रेमका जटिल भावनाहरू र युवामा भइरहेका संघर्ष र आशाका क्षणहरूलाई सजीव बनाएको छ।
‘घायल मुटु’ अहिले युट्युब र अन्य म्युजिक प्लेटफर्ममा उपलब्ध छ र गीतको प्रभावशाली भिडियोले छोटो समयमै श्रोताहरूको मन जित्ने विश्वास गरिएको छ।
