जीतपुरसिमरा उपमहानगरपालिका  हाजिर भईन प्रमुख प्रशासकीय अधिकृत काफ्ले

मनाेज शाह जितपुर बारा बैशाख २८ गते:

 बारा जिल्लाकाे   जीतपुरसिमरा उपमहानगरपालिकाको प्रमुख प्रशासकीय अधिकृतको रुपमा उपसचिव उर्मिला काफ्लेले हाजिर गरेकी छिन् । संघीय मामिला तथा सामान्य प्रशासन मन्त्रालयको निर्णयअनुसार सरुवा भएकी काफ्लेले शुक्रबार हाजिर गरेकी हुन् ।

काफ्ले जीतपुरसिमरा उपमहानगरपालिकाको पहिलो महिला प्रमुख प्रशासकीय अधिकृत समेत हुन् । काफलेलाई नगर प्रमुख राजन पौडेल, उपप्रमुख भोलाप्रसाद अधिकारीसहित जनप्रतिनिधि र कर्मचारीले स्वागत गरेका थिए ।

मंसिर १२ गतेदेखि प्रमुख प्रशासकीय अधिकृतको जिम्मेवारीमा रहेका उपसचिव शिवजी प्रसादको स्थानमा मन्त्रालयले काफ्लेलाई पठाएको हो । काफ्ले यसअघि जिल्ला समन्वय समिति सोलुखुम्बुको समन्वय अधिकारी समेत थिईन् ।

माननीय देवनारायण चौधरीले बारा क्षेत्र ४(क) का जनताको मन जित्दै

मनाेज साह जितपुर बारा बैशाख २६ गते:

प्रसाैनी गाउँपालिका वडा ७ बन्जरिया जमुनिया हुँदै इनर्वा जाने सडकको ढलान कार्य सुरुवात भएको छ । मधेस प्रदेश सदस्य मनानीय देवनारायण चाैधरीले हिन्दु परम्परा विधि अनुसार पुजा गरी सडक ढलानको सुरुवात गर्नु भएको छ । उहाँको विकासशील कार्यहरुबाट यस भेग लगायत बारा क्षेत्र ४(क) का जनताहरु निकै उत्साहित भएका छन् । जमुनिया, बन्जरिया इनर्वा लगायतका गाउँकाे जनतालाई जितपुर कलैया आवतजावत गर्न सहज होस् भन्ने उद्देश्यले याे सडकको ढलान गरेको मधेस प्रदेश सदस्य मनानीय देवनारायण चाैधरीले बताउनुभयो ।

मधेस प्रदेशको योजना अन्तर्गत रु. २५ लाखको बजेटबाट सडक ढलान भएको हाे । प्रसाैनी गाउँपालिका वडा ७ का वडा अध्यक्ष इस्लाम मन्सुर, नेकपा एमाले नेता सुनिल पाल , महेश बिक, सनम कुमार राउत , नन्दलाल प्रसाद , रामकलिया चमैन लगायत स्थानीय व्यक्तिहरुको समेत उपस्थिति रहेको देवनारायण चौधरीको स्वकीय सचिव रबीन्द्र प्याकुरेलले स्पर्श खबरलाई जानकारी दिनुभयो ।

जीतपुरमा स्वामी विवेकनन्द संस्कृति ज्ञान परीक्षा प्रतियोगिता हुने

मनाेज शाह जितपुर  बारा, वैशाख २६ गते ।

बाराको जीतपुरमा आउदो जेठ १ गते स्वामी विवेकनन्द संस्कृति ज्ञान परीक्षा प्रतियोगिता ९क्विज कम्पेटिसन हुने भएको छ ।बारा  जिल्लाकाे  जीतपुरसिमरा उपमहानगरपालिका वडा नम्बर ७ जीतपुरको केराढोका स्थित सम्राट पार्टी प्यालेसमा प्रतियोगिता आयोजना हुने आयोजकले बताएको हो ।

हिन्दू स्वयंसेवक संघ नेपालको आयोजनामा हुने उक्त प्रतियोगितामा करिव २० स्कुलबाट ६ सय भन्दा वढि विद्यार्थीहरु सहभागि हुने प्रतियोगिताका संयोजक संदिप साहले बताउनु भयो ।

विद्यार्थीहरुलाई संस्कृत ज्ञानको शिक्षा दिलाउने उदेश्यले संचालन गरिने स्वामी विवेकनन्द संस्कृति ज्ञान परीक्षा प्रतियोगिता ९क्विज कम्पेटिसन० को प्रथम हुनेले नगर रु ११ हजार, दाेस्राे  रु ७ हजार, तेस्राे  रु ५ हजार र ११ जनाले रु ५०० सान्तोना पुरस्कार प्राप्त गर्ने छन् ।

जेठ १ गते विहान ७ बजेबाट सुरु हुने उक्त प्रतियोगिताको तयारी तिब्रता गतिका  साथ भैरहेको सम्योजक साहले बताउनु भयो । उहाँको अनुसार हिन्दू स्वयंसेवक संघ नेपालले देखको विभिन्न ठाँउमा यो प्रतियोगता गर्दै आएको छ । जीतपुरमा केही वर्ष  पहिले यो प्रतियोगिता आयेजना गरिएको थियो । यसैलाई निरन्तर्ता दिदै जीतपुरमा दोस्रो पटक उक्त कार्यक्रमको आयोजना गरिदै छ ।

हुण्डी कारोबारमा सलंग्न एक जना मानिस पर्सा प्रहरीको फन्दामा

मनाेज शाह जितपुर बारा बैशाख २५ गते:

वीरगन्ज महानगरपालिकाको गण्डक चोकस्थित सडकखण्डबाट प्रहरीले हुण्डी कारोबारमा संलग्न एकजनलाई स्रोत नखुलेको रकमसहित पक्राउ गरेको छ । वीरगन्ज महानगरपालिकाको वडा प्रहरी कार्यालय श्रीपुर र प्रहरी चौकी गण्डकबाट खटिएको  संयुक्त प्रहरी टोलीले मिति २०८१।०१।२४ गतेका दिन वीरगञ्ज महानगरपालिकाको वडा नं.१४ गण्डकचोक स्थित सडकखण्डमा शंका लागी वीरगञ्जबाट परवानीपुरतर्फ जाँदै गरेका प्रदेश २-०३ -०१० प ६७१९ नम्बरको मोटरसाइकल रोकी कानूनी रीत पुर्‍याई खानतलासी गर्दा स्रोत नखुलेको नेपाली रुपियाँ बरामद गरेको छ ।

वीरगञ्ज महानगरपालिकाको वडा नं.२२ जगरनाथपुर बस्ने २८ वर्षीय रवि कुमार पटेलले पछाडी पिठ्युमा बोकेको कालो ब्यागभित्र लुकाई ल्याएको स्रोत नखुलेको नेपाली रु १००० दरको नोट थान ८८९ रु.८,८९,०००।– ( आठ लाख उनानब्बे हजार ) , नेपाली रु ५०० दरको नोट ८५० थान रु.४,२५,०००।–( चार लाख पचीस हजार)  र नेपाली रु १०० दरको नोट १० थान रु.१,०००।– ( एक हजार )  गरी जम्मा रु १३,१५,०००।– (तेह्र लाख पन्ध्र हजार मात्र ) नगद र बिभिन्न बैंकको खाली चेकहरु थान-७ ( सात ) लुकाइछिपाई लगिरहेको अवस्थामा हुण्डी कारोबारमा संलग्न रहेको आशंकामा प्रहरीले उनलाई नियन्त्रणमा लिएको जनाएको छ ।

निज रवि कुमार पटेललाई नियन्त्रणमा लिई निज विरुद्ध बैंक तथा वित्तीय संस्था सम्बन्धी ऐन, २०७३ बिरूद्वको कसूरमा थप अनुसन्धान कार्य अगाडि बढाइएको प्रहरीले जनाएको छ ।

तपाई दाँत माझ्ने बुरुस ट्वाइलेटमा राख्नु हुन्छ  ?

स्पर्श खबर जितपुर बारा बैशाख २५ गते:

दाँत सफा राख्न हरेक दिन दुई पटक  बुरुस गर्नुपर्छ । यसले दाँतलाई ब्याक्टेरियाबाट जोगाउन र मुखको स्वास्थ्य सुधार गर्न मद्दत गर्छ । दाँतको स्वास्थ्य राम्रो बनाउन राम्रो गुणस्तरको बुरुस प्रयोग गर्नुपर्छ । दन्त चिकित्सकहरूका अनुसार हरेक २–३ महिनामा बुरुस फेर्नुपर्छ ।बुरुस शौचालय वा बाथरुममा राख्न नहुने दन्त चिकित्सकहरू बताउँछन् । शौचालयमा फेकल ब्याक्टेरिया (दिशामा पाइने ब्याक्टेरिया) धेरै हुन्छ । यो हावाबाट बुरुसमा जम्मा हुन थाल्छ । बाथरुम ओसिलो हुन्छ । ओसका कारण बुरुसमा ढुसी पर्ने खतरा हुन्छ । ट्वाइलेट जोडिएको बाथरुममै राखियो भने पनि फेकल ब्याक्टेरिया मुखबाट रगतमा पुग्न सक्छ । यसबाट मुखको स्वास्थ्य त बिग्रन्छ नै समग्र स्वास्थ्यमा समेत नराम्रो असर पर्न सक्छ । अन्य कयौँ प्रकारका संक्रमणले सताउन सक्छ ।  बुरुस स्ट्यान्ड पनि कहिल्यै ट्वाइलेट सिटको नजिक राख्नु हुँदैन ।शौचालय वा बाथरुममै राख्नु पर्‍यो भने पनि ब्रसलाई सधैँ छोपेर राख्नुस् । प्रयोग गर्नु अघि पानीले राम्ररी धुनुस् । पानीले धुँदा बुरुसको ब्रिस्टलमा फसेका ब्याक्टेरिया बाहिर निस्कन्छन् । प्रयोग गरेपछि ब्रसलाई राम्ररी धोएर छोपेर राख्नुस् । यसले ब्याक्टेरियाबाट धेरै हदसम्म ब्रसलाई जोगाउन मद्दत मिल्छ । दाँतमा कुनै खालको समस्या देखिने बित्तिकै तुरुन्तै दन्त चिकित्सकको सल्लाह लिनुस् । दाँतको विषयमा कुनै लापरबाही नगर्नुस् ।सभार एन्जेन्सी ।

जितपुरमा हावाहुरी र वर्षकाे गर्मीमा राहत

स्पर्श खबर जितपुर बारा बैशाख २५ गते:

प्रचण्ड गर्मीले राहत  भएका  जितपुरबासीले  वर्षा भएसँगै राहत महसुस गरेका छन् । अधिकतम ३८ डिग्री सेल्सियससम्मको तापक्रमले यहाँको जनजीवन पनि प्रभावित भएको थियो । 

सबैया सब डिभिजन बन कार्यालय पर्साको पिक-अप चालक बैजनाथ (खुट्टि) जी उदाहरणीय कार्य

मनोज कुमार शाह, जीतपुर बारा, वैशाख २० गते

वैशाख महिना लागेसँगै तापक्रम पनि अत्यधिक बढेको छ । बिहानैदेखि चर्को घाम लाग्ने तथा दिन बढेसँगै गर्मी पनि बढ्ने भएकोले जनजीवन निकै अस्तव्यस्त तथा कष्टकर बनेको छ । बढ्दो गर्मीका कारण मानव मात्रै नभएर अन्य जीवजन्तु तथा चराचुरुङ्गीसमेत नराम्ररी प्रभावित भएका छन् । बढ्दो तापक्रमका कारण पानीका मुहानहरु पनि सुक्न थालेका छन् । यसबाट मानिसहरुले कष्ट भोग्न बाध्य त छन् नै साथै पशुपन्छीले पनि पानीको अभाव झेल्दै छन् ।

पानीको श्रोतहरु सुक्दै गएपछि वनका जङ्गली जनावरहरु तथा चराचुरुङ्गीहरुलाई पानी पिउन निकै धौधौ परेपछि सबैया सब डिभिजन बन कार्यालय पर्साको पिक-अप चालक बैजनाथ (खुट्टि) जीले उदाहरणीय कार्यको सुरुआत गर्नुभएको छ । उहाँ बिहान बेलुका जङ्गलमा गस्ती जाने क्रममा जङ्गली जनावर एवम् चराचुरुङ्गीहरुको तिर्खा मेटाउनको लागि ठाउँ-ठाउँमा ठूलो बाटामा प्लास्टिक राखी त्यसमा पानी हाल्ने गर्नुभएको छ ।

पथलैया आधाभार देखि सुवर्णपुर जाने बन क्षेत्रको ग्रेभर बाटो (फायर लाइन) को छेउ छाउमा जंगली जनावर तथा पशुपन्क्षीको लागि ठुलो बाटामा प्लास्टिक राखी प्रत्येक दिन बिहान बेलुका पानी हाल्ने गर्नुभएको छ जबकी सबैया बन कार्यालयदेखि फायर लाइन को दुरी 10 km रहेको छ ।

साधारण लेखपढ मात्र जानेका पिक-अप चालक बैजनाथ जीको घरायसी अवस्था धेरै नै नाजुक रहेको छ । घरको आर्थिक अवस्था कमजोर भए पनि उहाँमा इमान्दारीता , लगनशीलता र जङ्गली जीवजन्तु तथा चराचुरुङ्गीप्रति प्रशस्तै दया दृष्टि भएको स्थानीयहरु बताउँछन् । प्रत्येक दिन बिहान बेलुका बन क्षेत्रमा गस्ती जाने क्रममा जर्किन र बोतलहरुमा पानी लिएर राष्ट्रिय बन र राष्ट्रिय निकुञ्जको सिमाना छुट्याउने फायर लाइन छेउ छाउमा पानी राख्ने गरेका छन् ।