जीतपुरसिमरा उपमहानगरपालिका हाजिर भईन प्रमुख प्रशासकीय अधिकृत काफ्ले
मनाेज शाह जितपुर बारा बैशाख २८ गते:
बारा जिल्लाकाे जीतपुरसिमरा उपमहानगरपालिकाको प्रमुख प्रशासकीय अधिकृतको रुपमा उपसचिव उर्मिला काफ्लेले हाजिर गरेकी छिन् । संघीय मामिला तथा सामान्य प्रशासन मन्त्रालयको निर्णयअनुसार सरुवा भएकी काफ्लेले शुक्रबार हाजिर गरेकी हुन् ।
काफ्ले जीतपुरसिमरा उपमहानगरपालिकाको पहिलो महिला प्रमुख प्रशासकीय अधिकृत समेत हुन् । काफलेलाई नगर प्रमुख राजन पौडेल, उपप्रमुख भोलाप्रसाद अधिकारीसहित जनप्रतिनिधि र कर्मचारीले स्वागत गरेका थिए ।
मंसिर १२ गतेदेखि प्रमुख प्रशासकीय अधिकृतको जिम्मेवारीमा रहेका उपसचिव शिवजी प्रसादको स्थानमा मन्त्रालयले काफ्लेलाई पठाएको हो । काफ्ले यसअघि जिल्ला समन्वय समिति सोलुखुम्बुको समन्वय अधिकारी समेत थिईन् ।
राष्ट्रिय परिचयपत्र अनिवार्य भएदेखि जीतपुरसिमरा उपमहानगरपालिकाको कार्यालयबाट वि.सं. २०७९ पौष १७ गतेदेखि वि.सं. २०८० फाल्गुन १७ गतेसम्म ७ हजार जनाले राष्ट्रिय परिचयपत्र बनाएको जितपुरसिमरा उपमहानगरपालिकामा कार्यरत कम्प्यूटर अपरेटर सुप्रीती राईले स्पर्श खबरलाई जानकारी दिनुभयो ।