जीतपुरसिमरा उपमहानगरपालिकामा १३ महिनामा ७ हजार जनाले राष्ट्रिय परिचयपत्र बनाए

मनोज  शाह, जीतपुर बारा, फागुन १७ गते

नेपाल सरकारले विगत केही समयदेखि प्रत्येक नागरिकका लागि राष्ट्रिय परिचयपत्र अनिवार्य गरेको छ । सामाजिक सुरक्षा भत्ता तथा वृद्ध भत्ताजस्ता सुविधा प्राप्त गर्नको लागि पनि राष्ट्रिय परिचयपत्र अनिवार्य रुपमा हुनुपर्छ । राष्ट्रिय परिचयपत्र अनिवार्य भएदेखि जीतपुरसिमरा उपमहानगरपालिकाको कार्यालयबाट वि.सं. २०७९ पौष १७ गतेदेखि वि.सं. २०८० फाल्गुन १७ गतेसम्म ७ हजार जनाले राष्ट्रिय परिचयपत्र बनाएको जितपुरसिमरा उपमहानगरपालिकामा कार्यरत कम्प्यूटर अपरेटर सुप्रीती राईले स्पर्श खबरलाई जानकारी दिनुभयो ।

जितपुरमा हुलाक कार्यालय आगडि बन्दै गरेको अबैध संरचना प्रहरीले राेक्याे
मनाेज शाह जितपुर बारा फागुन १७ गते:

जितपुरसिमरा उपमहानगरपालिकाकाे जितपुरमा उपमहानगरपालिकाकाे कार्यालयालाइ बेवास्ता गर्दै बनाउदै गरेको अबैध संरचना प्रहरीले आज राेकेकाे छ ।फागुन १४ गते उपमहानगरपालिकाले एकपत्र काटदै जितपुरसिमरा उपमहानगरपालिका वडा नं. ७ जितपुर कार्यालयलाई हुलाक कार्यालय आगडि बन्दै गरेको संरचना राेक्न अदेश दिएको थियोे । उपमहानगरपालिकाकाे अदेशलाइ वडा कार्यालयले बेवास्ता गर्दा उपमहानगरपालिका बाध्य भएर प्रहरी परिचालन गरि अबैध संरचना बनाउँदै गरेकाे अवस्थामा राेकेकाे हाे ।

वयोधा अस्पताल अगाडि टेम्पो र बस ठोक्किए : यात्रीहरु सामान्य घाइते

मनोज  शाह, जीतपुर बारा, फागुन १६ गते

पर्सा जिल्लाको गण्डकको मुख्य सडकखण्डमा अवस्थित वयोधा अस्पताल अगाडि अहिले दिउँसो ३ बजेको समयमा टेम्पो र बस एक आपसमा ठोक्किँदा दुर्घटना भएको छ । वीरगन्जबाट पथलैयातर्फ आइरहेको बा. ३ ख. ४०४३ नम्बरको सृष्टि डिलक्स बसले परवानीपुरबाट वीरगन्जतर्फ गइरहेको ना. १ ह. ९६३६ नम्बरको टेम्पोलाई ठक्कर दिएको हो । सो ठक्करबाट टेम्पो पल्टिएको थियो भने टेम्पोमा सवार यात्रीहरुलाई सामान्य चोटपटक लागेको प्रहरीले जानकारी दिएको छ ।

बारा प्रशासनद्वारा सार्वजनिक जग्गा अतिक्रमणको सूचना उपलब्ध गराउन आह्वान

मनाेज शाह जितपुर बारा फागुन १६ गते:

सार्वजनिक जग्गा अतिक्रमणको सूचना वा प्रमाण उपलब्ध गराउन जिल्ला प्रशासन कार्यालय, बाराले आह्वान गरेको छ। मंगलबार बाराका प्रमुख जिल्ला अधिकारी शशिधर घिमिरेले एक सूचना जारी गरी यस्तो आह्वान गरेका हुन्।

जिल्लामा कसैको निजी हक दर्ता भोगचलनमा रहेको बाहेकको सरकारी वा सार्वजनिक स्वामित्वमा रहेको, ऐलानी, सन्धिसर्पन, गौचरन, घाट आदि जग्गाहरू कानुनविपरीत कसैले आफ्नो नाममा दर्ता गरेको भए त्यस्को सूचना वा प्रमाण विवरण १५ दिनभित्र यस कार्यालयमा सोझै वा इमेलमार्फत् उपलब्ध गराउन सूचनामा भनिएको छ।

यसैगरी, खास उदेश्य वा प्रयोजनका लागि कुनै संस्थाको भोगचलन वा नियन्त्रणमा रहने गरी सुम्पेको वा जिम्मा दिएका सार्वजनिक र सरकारी जग्गाहरु बलजफ्ती अतिक्रमण वा कब्जा गरी निजी रूपमा दर्ता गरेको, दाखिला खारेज वा चलन चलाई हक हस्तान्तरण गरेको, लामो समयसम्म नियन्त्रण बाहिर रहने गरी लिजमा दिएको वा उद्देश्यविपरीत निजी कायम गरी गराई दुरुपयोग गरेको भए पनि सूचना दिन आह्वान गरिएको हो।

सूचना वा प्रमाण उपलब्ध गराउन १५ दिनको समय अवधि दिइएको छ।

जितपुरसिमरा उपमहानगरपालिकाकाे वडा ७ द्वारा आदेशकाे अवहेलना
मनाेज शाह जितपुर बारा फागुन १६ गते:
जितपुरसिमरा उपमहानगरपालिकाले वडा ७ जितपुरमा अनधिकृत निर्माणधिन संरचना राेक्न परिपत्र जारी गरेपनि वडा ७ काे कार्यालयले आदेशको अवहेलना गर्दै अनाधिकृत निर्माण कार्य सुचारु राखेको पाईएकाे छ ।जितपुरसिमरा उपमहानगरपालिका वडा ७ स्थित पुरानो स्वास्थ चाैकी हाल हुलाक कार्यालय संचालनमा रहेको धर्मशाला भनेर चिनिने पुर्ब तर्फ राजमार्ग संग जाेडिएकाे सार्वजनिक जग्गामा अनाधिकृत रुपमा भवन संरचना निर्माण भरहेकाे पाइएको ले नगरपालिकाले सार्वजनिक जग्गा संरक्षणका निम्ति तत्काल निर्माण कार्य राेक्न निर्देशन दिएको छ । नक्सा पास नगराई भवन निर्माण भरहेकाे राष्ट्रिय तथा प्रादेशिक मापदण्ड अवलम्बन नगरेको तथा सार्वजनिक जग्गामा नियम बिपरित निर्माण कार्य भइरहेकाले तत्काल उक्त निर्माण कार्य राेक्न वडा ७ कार्यालयलाई जानकारी गराउँदा पनि उपमहानगरपालिकाकाे कार्यालयकाे निर्देशनकाे अवहेलना गर्दै निर्माण जारी रहेको छ ।