संस्थागत मुद्दतीको ब्याजदर १ प्रतिशत विन्दुले कम हुनुपर्ने

स्पर्श खबर जितपुर बारा फागुन ११ गते:

बैंक तथा वित्तीय संस्थाहरूले संस्थागत मुद्दती निक्षेपमा दिने ब्याजदर साधारण मुद्दतीभन्दा कम्तीमा १ प्रतिशत विन्दुले कम हुनुपर्ने भएको छ । केन्द्रीय बैंकले बिहीबार निर्देशन जारी गर्दै १ चैतबाट लागू हुने गरी यस्तो निर्देशन दिएको हो । राष्ट्र बैंकले २९ माघमा चालू आर्थिक वर्षको मौद्रिक नीतिको अर्धवार्षिक समीक्षाअनुसार निर्देशन जारी गरेको हो । हालसम्म बैंक तथा वित्तीय संस्थाहरूमा यस्ता दुई किसिमका मुद्दतीको ब्याजदर अन्तर कम्तीमा २ प्रतिशत हुनुपर्ने व्यवस्था छ । बोलकबोलका आधारमा संकलन हुने मुद्दती निक्षेप (स्वदेशी तथा विदेशी मुद्रा)को हकमा प्रकाशित ब्याजदरमा ०.५ प्रतिशत विन्दुभन्दा बढी नहुने गरी निक्षेप संकलन गर्नुपर्ने व्यवस्था भने हटाइएको छ ।

त्यस्तै, राष्ट्र बैंकले कृषि, साना घरेलु तथा मझौला उद्यम व्यवसायमा प्रवाह भएको दुई करोडसम्मको कर्जालाई रेगुलेटरी रिटेल पोर्टफोलियोमा गणना गर्न पाउने व्यवस्था गरेको छ । राष्ट्र बैंकले बैंक तथा वित्तीय संस्थाको पुँजी कोषमा देखिएको दबाब सम्बोधन गर्ने गरी रेगुलेटरी रिटेल पोर्टफोलियोको दायरा बढाएको हो । यसअघि यी क्षेत्रमा प्रवाह भएको एक करोडसम्मको कर्जालाई रेगुलेटरी रिटेल पोर्टफोलियोमा गणना गर्न पाउने व्यवस्था थियो । यस्तो खालको ऋणको जोखिमभार राष्ट्र बैंकले माघ २९ गते चालू वर्षको मौद्रिक नीतिको अर्धवार्षिक समीक्षामार्फत शतप्रतिशतको सट्टा ७५ प्रतिशत कायम गरेको थियो । नयाँ व्यवस्थाले पुँजी कोष अभावले ऋण दिन गाह्रो परेका बैंकहरूलाई सहजीकरण हुन्छ । पुँजी कोष अभावकै कारण अप्ठ्यारोमा नपर्ने भएको छ । यसअघि यस्तो ऋणको सीमा एक करोड मात्र थियो ।सभार नयाँ पत्रिका ।

रेगुलेटरी रिटेल पोर्टफोलियोमा गणना हुने कर्जाको जोखिमभार गणना गर्दा विभिन्न सर्त पूरा गरेका कर्जाको जोखिमभार ७५ प्रतिशत मात्र हुन्छ, जसलाई कम जोखिमयुक्त मानिन्छ । यसअघि ७५ प्रतिशत जोखिमभार कायम गर्नुपर्ने कर्जा रकमको सीमा एक करोड रहेकोमा अब सो सीमा दुई करोडसम्म पु¥याइएको छ । यसबाट बैंक तथा वित्तीय संस्थाबाट उत्पादनशील क्षेत्रमा जाने कर्जा लगानी थप सहज हुन गई सो क्षेत्रमा थप कर्जा प्रवाह हुन सक्ने र बैंक तथा वित्तीय संस्थाको पुँजी कोषमा केही सहजीकरण हुने अपेक्षा राखिएको छ ।

राष्ट्रिय विभुति सामुदायीक शिक्षा सदन डुमरवानाको २२औं वार्षिकोत्सव सम्पन्न

मनाेज शाह जितपुर बारा फागुन ११ गते:

राष्ट्रिय विभुति सामुदायीक शिक्षा सदन डुमरवानाको २२औं वार्षिकोत्सव सम्पन्न भएको छ । जीतपुरसिमरा उपमहानगरपालिका वडा नम्बर १५ स्थित रहेको उक्त विद्यालयले अभिभावक दिवसको दिन पारेर आफ्नै ग्राउन्डमा वार्षिकोत्सव सम्पन्न गरेको हो ।

२२वर्ष पुरा गरेको उपलक्ष्यमा विद्यालयले विभिन्न सांकृतिक, प्रस्तुतिकरण, प्रगति विवरण, सामाजिक क्रियाकलापहरु, सम्मान लगायतको कार्यक्रमको आयोजना गरेर वार्षिकोत्सव मनाएको थियो ।

कार्यक्रममा राष्ट्रिय विभुति सामुदायीक शिक्षा सदनले आफ्नो स्कुलको प्रगति बारे जानकारी दिएको थियो साथै उक्त विद्यालयले विभिन्न स्थानका भएको शिक्षा र खेलकुदको गतिविधिमा उत्कृष्ट हुदै आएको बताइएको थियो ।

वार्षिकोत्सवको अवसरमा विद्यालयले दुइ संघ संस्था, एक पत्रकार, २ अभिभावक र १ कर्मचारी सहित ६ जनालाई सल र सम्मानपत्रसहित सम्मान गरेको थियो ।

विद्यालयको वार्षिकोत्सवमा जीतपुरसिमरा उपमहानगरपालिकाका नगर प्रमुख राजन पौडेल प्रमुख अतिथि रहनुभएको थियो । कार्यक्रममा विभिन्न वडाका वडा अध्यक्ष सहित विभिन्न विद्यालयका प्रधानाध्याप, स्थानिय जनप्रतिनिधि, भद्रभलाद्मीहरुको उपस्थिति रहेको थियो ।

सिकेका कुरा व्यवहारमा लागु गर्न आग्रह: उपमेयर अधिकारी

मनाेज साह जितपुर बारा फागुन १० गते:

बारा जिल्लकाे    जीतपुरसिमरा उपमहागरपालिका वडा नम्बर २४ मा ८ दिने उधमशिलता विकास तालिम सम्पन्न भएको छ । गरिवी निवारणको लागी लघु उद्यम विकास कार्यक्रम मेडपा अन्तर्गत  ८ दिने तालिम आज सम्पन्न भएको हो ।

तालिममा व्यवसाय सचेतना, व्यवसाय शुरु र लैंगिक सचेतना तथा सामाजिक समावेशिकरणको बिषमा प्रशिक्षण दिईएको थियो । जीतपुरपसमरा उमहानगरपाकिलाको उद्यम विकाश शाखाले आयोजना गरेको तालिममा २० भन्दा बढि महिलाहरुको सहभागिता रहेको थियो ।

तालिमका सहभागिहरुलाई आज एक कार्यक्रमकाबिच उप प्रमुख भोला प्रसाद अधिकारीले प्रमाण पत्र प्रदान गर्नुभएको थियो । समापन कार्यक्रममा बोल्दै अधिकारीले तालिमबाट सिकेका कुरा व्यवहारमा लागु गर्न आग्रह गर्नुभएको थियो ।  दिप नारायण चौधरी र उष बुढाथोकी कार्यक्रम सहजिकरण गर्नु भएको थियोे ।