राष्ट्रिय विभुति सामुदायीक शिक्षा सदन डुमरवानाको २२औं वार्षिकोत्सव सम्पन्न

मनाेज शाह जितपुर बारा फागुन ११ गते:

राष्ट्रिय विभुति सामुदायीक शिक्षा सदन डुमरवानाको २२औं वार्षिकोत्सव सम्पन्न भएको छ । जीतपुरसिमरा उपमहानगरपालिका वडा नम्बर १५ स्थित रहेको उक्त विद्यालयले अभिभावक दिवसको दिन पारेर आफ्नै ग्राउन्डमा वार्षिकोत्सव सम्पन्न गरेको हो ।

२२वर्ष पुरा गरेको उपलक्ष्यमा विद्यालयले विभिन्न सांकृतिक, प्रस्तुतिकरण, प्रगति विवरण, सामाजिक क्रियाकलापहरु, सम्मान लगायतको कार्यक्रमको आयोजना गरेर वार्षिकोत्सव मनाएको थियो ।

कार्यक्रममा राष्ट्रिय विभुति सामुदायीक शिक्षा सदनले आफ्नो स्कुलको प्रगति बारे जानकारी दिएको थियो साथै उक्त विद्यालयले विभिन्न स्थानका भएको शिक्षा र खेलकुदको गतिविधिमा उत्कृष्ट हुदै आएको बताइएको थियो ।

वार्षिकोत्सवको अवसरमा विद्यालयले दुइ संघ संस्था, एक पत्रकार, २ अभिभावक र १ कर्मचारी सहित ६ जनालाई सल र सम्मानपत्रसहित सम्मान गरेको थियो ।

विद्यालयको वार्षिकोत्सवमा जीतपुरसिमरा उपमहानगरपालिकाका नगर प्रमुख राजन पौडेल प्रमुख अतिथि रहनुभएको थियो । कार्यक्रममा विभिन्न वडाका वडा अध्यक्ष सहित विभिन्न विद्यालयका प्रधानाध्याप, स्थानिय जनप्रतिनिधि, भद्रभलाद्मीहरुको उपस्थिति रहेको थियो ।