पर्सामा हतियार सहित दुई जना पक्राउ
मनोज शाह, जीतपुर बारा, फागुन १० गते
मिति २०८०।११।०९ गते अन्दाजी १०:३० बजेको समयमा विशेष सूचनाको अधारमा जिल्ला प्रहरी कार्यालय पर्साबाट खटिएको प्रहरी टोलीले पर्सा बहुदरमाई न.पा. वडा नं.९ स्थित सडकखण्डमा सवारी साधनहरू चेकजाँच गर्ने क्रममा ना १२ प ४९७१ नम्बरको मोटरसाईकल चालक पर्सा कालिकामाई गा.पा. वडा नं. ५ निवासी वर्ष ४३ को दिपेन्द्र गिरीलाई कानुनी रीतपुर्याई खानतलासी गर्दा निजले लगाएको कालो रंङको ज्याकेटको वाँया साइडको गोजीमा लुकाई छिपाई राखेको अवस्थामा अबैध नलकटुवा पेस्तोल १ थान फेला परेको जिल्ला प्रहरी कार्यालय पर्साका प्रवक्ता प्रहरी नायब उपरीक्षक ध्रुब कुमार श्रेष्ठले जानकारी दिए ।
सोही मोटरसाइकल पछाडि सवार ऐ. पोखरीया न.पा. वडा नं. ९ बस्ने अन्दाजी वर्ष ३७ को शिवपुजन मुखिया समेतलाई नियन्त्रणमा लिई उक्त पेस्तोल बरामद गरी निजहरू विरुद्ध हातहतियार सम्बन्धी कसूरमा थप अनुसन्धान तथा कारवाही अगाडि बढाइएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक ध्रुब कुमार श्रेष्ठले जानकारी दिए ।
