जीतपुरसिमरा उमनपा -५ मा दादुरा रुबेला खोप अभियान सन्चालनसम्बन्धी अभिमुखीकरण कार्यक्रम सम्पन्न
मनोज शाह, जीतपुर, बारा, फागुन १० गते
जीतपुरसिमरा उमनपा वडा नं. ५ बकुलियामा आज दादुरा रुबेला खोप अभियान २०८०/८१ सन्चालन सम्बन्धी अभिमुखीकरण कार्यक्रम नगर प्रमुख राजन पौडेलको अध्यक्षतामा सम्पन्न भएको छ । मधेस प्रदेश सभा सदस्य माननीय देवनारायण चौधरीको प्रमुख आतिथ्यमा सन्चालन भएको कार्यक्रममा जीतपुरसिमरा उपमहानगरपालिकाको जनस्वास्थ्य प्रवर्धन शाखा प्रमुख रवि कुमार भाष्करले जीतपुरसिमरा उमनपा क्षेत्रका सम्पूर्ण स्वास्थ्यकर्मीलाई दादुरा रुबेलासम्बन्धी तालिम प्रदान गरेका थिए ।
सन् २०२६ सम्म्मा नेपालभरिबाट दादुरा रुबेला रोग पूर्णरुपमा निवारण गर्ने लक्ष्य पूर्तिका लागि यस जीतपुरसिमरा उमनपा क्षेत्रभरिका ९ महिना देखि १५ वर्ष उमेर समूहका बालबालिकालाई यही फागुन १३ गतेदेखि १७ गतेसम्म पालिकाभरिका सबै स्वास्थ्य कार्यालयमा उपलब्ध हुने दादुरा रुबेलासम्बन्धी खोप लगाउन रवि कुमार भाष्करले सर्वसाधारणलाई आह्वान समेत गरेका छन् ।
कार्यक्रममा जीतपुरसिमरा उमनपा उपप्रमुख भोला प्रसाद अधिकारी, जीतपुरसिमरा उमनपाको प्रमुख प्रशासकीय अधिकृत शिवजी प्रसादलगायतको उपस्थिति थियो ।
