सिमरा खानेपानी सिमराद्वारा बिधालयलाइ पङ्खा र शाैचालय निर्माणका लागि गुम्बालाई एक लाख हस्तान्तरण

मनाेज शाह जितपुर बारा बैशाख ११ गते:

जितपुरसिमरा उपमहानगरपालिका वडा १ स्थित रहेको   सिमरा खानेपानी तथा सरसफाइ उपभोक्ता समितिले मंगलबार विद्यालयलाई पङ्खा र शौचालय निर्माणका लागि गुम्बालाई एक लाखको चेक हस्तान्तरण गरेको छ ।

लोकतन्त्र दिवसको अवसर पारेर समितिले जीतपुरसिरमा ३ स्थित नेपाल राष्ट्रिय आधारभूत विद्यालयलाई पाँच थान पङ्खा र जीतपुरसिमरा १ स्थित टासी देछेन लिङ विश्वशान्ति बौद्ध गुम्बालाई एक लाख एक हजार रुपैयाको चेक हस्तान्तरण गरेको हो ।

समितिका अध्यक्ष कासिम हुसेनले विद्यालय व्यवस्थापन समितिका अध्यक्ष विनोद बस्नेतलाई पङ्खा र गुम्बाका अध्यक्ष राजकुमार लामालाई चेक हस्तान्तरण गरेका हुन् । सो अवसरमा समितिका उपाध्यक्ष पूर्णचन्द्र तिमिल्सिना, सहसचिव सानुबाबु कुर्मी, कोषाध्यक्ष लोकराज पौडेल, सदस्य तोयानाथ लुईटेल, सुभद्रा कुमारी, प्रकाश क्षेत्रीलगायत उपस्थित थिए ।

पर्सामा  शीव मन्दिरको प्राणप्रतिष्ठाका लागि निकालिएको शोभा यात्रामा हजारौंको सहभागिता

मनाेज शाह जितपुर बारा बैशाख ११ गते:

पर्सा जिल्लाकाे  पोखरीयामा नव निर्मित शिव मन्दिरको प्राणप्रतिष्ठानको पहिलो दिन आज भव्य रुपमा कलश सहितको शोभा यात्रा निकालिएको छ । वडा नम्बर ४ बजार क्षेत्रमा रहेको प्राचीन शिव मन्दिरमा भगवान शिवको प्राणप्रतिष्ठाको लागी आज पहिलो दिन कलश सहित, पारम्परीक बाजा तथा विभिन्न देवी देउताको झाँकि सहितको सोभा यात्रा निकालिएको थियो ।

नव निर्मित शिव मन्दिरको प्रांगण बाट आज बिहान निकालिएको जल सहितको सोभा यात्रा पोखरिया बजार हुदै वडा नम्बर ८ जगतपुर मननपुर स्थित रहेको भेद्रहा खोलामा पुगी पूजा पाठ गरिएको थियो । हजारौको सांख्यमा सहभागी भएका कुमारी कन्या तथा भक्तजनहरु खोलाबाट जल भरी पुन शिव मन्दिरमा पुगेका थिए ।

प्राणप्रतिष्ठान कार्यक्रमको आज पहिलो दिन जलयात्रा भएको छ भने बैशाख १४ गते भगवान शिवको प्राणप्रतिष्ठा हुने र बैसाख २० गते पूर्णआहुति हुने कार्यक्रम रहेको पोखरिया नगरपालिका को नगर प्रमुख प्रद्युमन प्रसाद चौहानले बताए ।

आज भएको शोभा यात्रामा पोखरिया नगरपालिकाकि पुर्व उप मेयर सलमा खातून ,समाज सेबी वकील मिया , पूर्व मेयर दीपनारायण रौनियार , वडा नम्बर ९ को वडा अध्यक्ष नौशाद आलम , वडा अध्यक्ष किशोरी साह, समाज सेबी सुमित साह गोड, सन्तोष महतो लगाएत स्थानीय दाताहरुले बाटोमा, चिसो पानी, फ्रुटी, फलफुल, , गुलियो सर्बत, कोकाकोला, स्प्राइट, रेड बुल जस्ता पेय पदार्थ वितरण गरेका छन ।

पोखरिया नगरपालिकाको आयोजनामा निकालिएको कलश सहितको सोभा यात्रामा नगर प्रमुख प्रद्युमन प्रसाद चौहान , उप प्रमुख रूबी कुमारी ठाकुर, निमित प्रमुख प्रसासकीय अधिकृत अजय कुमार श्रीवास्तव , संविधान सभा सांसद रामेश्वर प्रसाद रौनियार , राजनीतीककर्मी, संचारकर्मी लगाएतको सहभागी रहेको थियो ।

नेपाली मुस्लिम समाज बाराद्वारा जिल्ला प्रशासन कार्यालय बारा मार्फत प्रधानमन्त्री र गृहमन्त्रीलाई ज्ञापनपत्र पेश

मनाेज शाह जितपुर बारा बैशाख ३ गते;

नेपाली मुस्लिम समाज बाराले जिल्ला प्रशासन कार्यालय बारा मार्फत प्रधानमन्त्री र गृहमन्त्रीलाई ज्ञापनपत्र बुझाएको छ ।

सामाजिक सञ्जालमा मुस्लिम धर्मका प्रवर्तक (दुत) पैगम्बर मोहम्मदसँग जोडिएर अनर्गल प्रचार गरेको भन्दै मुस्लिम समाज बाराले प्रमुख जिल्ला अधिकारी शशिधर घिमिरेमार्फत प्रधानमन्त्री र गृहमन्त्रीलाई ज्ञापनपत्र बुझाएको हो । रोजाको अवसरमा सामाजिक सञ्जालमा आपत्तीजनक कुराहरु लेखेर मुस्लिम समुदायमाथि अघात पुर्‍याउने अनर्गल प्रचार गरेको भन्दै ज्ञापन पत्रमार्फत प्रधानमन्त्रीको ध्यानाकर्षण गराएको छ ।

चैत २८ मा सामाजिक सञ्जालमार्फत सर्वाेच्च अदालतका निवर्तमान न्यायाधीश कमलनारायण दासले लेखेको कुराले मुस्लिम समुदायमाथि ठेस पुगेको ज्ञापनपत्रमा उल्लेख छ ।

‘संविधानको भाग ३ मा उल्लेखित मौलिक हक र कर्तव्यको उल्लंघन भएको छ । प्रत्येक नेपालीले वर्तमान संविधानलाई हृदयले मानेको अवस्थामा कमलनारायण दास संविधानको खिलाफ जानुभएको छ, ज्ञापन पत्रमा लेखिएको छ, ‘निजको समाचारले नेपाली समाजमा कलह र अशान्तीको वातावरण सृजना गरेको छ । त्यसकारण ठोस कदम चालियोस ।’

सामाजिक सञ्जालमा मुस्लिम समुदायका धर्म प्रवर्तक पैगम्बर मोहम्मदको चरित्र हत्या गर्नेलाई आवश्यक कारवाही गर्न प्रधानमन्त्री र गृहमन्त्रीसँग ज्ञापनपत्रमार्फत माग गरिएको छ । साथै मुस्लिम समुदायको संवैधानिक जिउज्यानको सुरक्षा गर्न, तथा मस्जिद, मदर्सा लगायतका धार्मिक स्थलको सुरक्षा गर्न पनि ज्ञापनपत्रमार्फत आग्रह गरिएको हो ।

नेपाली मुस्लिम समाज बाराको तर्फबाट खुशमहम्मद, शेष सैनुल्लाह, अनवर अंसारी, महम्मद नौसाद, अबदुर रहमान लगायतले ज्ञापनपत्र बुझाएका थिए ।

ज्ञापनपत्र बुझ्दै बाराका प्रमुख जिल्ला अधिकारी शशिधर घिमिरेले मुस्लिम समुदायले बुझाएको ज्ञापन पत्रप्रति प्रशासन गम्भीर रहेको बताए । थप कारबाहीको लागि ज्ञापनपत्र आजै गृह मन्त्रालयमा पठाइदिने प्रजिअ घिमिरेले प्रतिबद्धता व्यक्त गरेका छन् ।

जितपुरमा सहयाेगी हात नेपाल द्वारा नि: शुल्क भाेजन सुचारु ।

मनाेज शाह जितपुर बारा बैशाख १ गते

सामाजिक क्षेत्रमा कार्य गर्दै आएको संस्था सहयोगी हात नेपालद्वारा आज जीतपुरमा नि: शुल्क भाेजन सुचारु गरिएको छ । जितपुरसिमरा उपमहानगरपालिका वडा ७ स्थित रहेको सामाजिक संस्था सहयाेगी हात नेपालले गरिब असहायलाई भाेजन खुवाएकाे छ । यस संस्थाले हरेक शनिबार बिहान ९ बजेदेखि ११ बजेसम्म नि:शुल्क भाेजन खुवाउने कार्यको आजदेखि प्रारम्भ गरेको छ । नयाँ सालदेखि राम्रो कामको सुरुवात गर्ने उद्देश्यले याे याेजना सुरु गरेको सहयोगी हात नेपालका सदस्य चन्द्रशेवर पासवानले बताए ।

सहयाेगी हात नेपालका अध्यक्ष देवान्न साहको सभापतित्वमा कार्यक्रम भएको हाे । सहयाेगी हात नेपालले भाेजन सुचारु गरेको कार्यक्रमका प्रमुख अतिथि मधेस प्रदेश सदस्य माननीय देबनारायण चाैधरी रहनु भएको थियोे । अहिलेसम्म जीतपुरमा कसैले नगरेको उदाहरणीय कार्य सहयोगी हात नेपाल नामक सामाजिक संस्थाले गरेको हुनाले संस्थाका सम्पूर्ण सदस्यहरुलाई उहाँले धन्यवाद व्यक्त गर्नुभयो । गरिब असहायलाई भाेजन खुवाउने कार्य अति उतम र अति सुन्दर रहेको र याे भन्दा राम्रो र पुण्यको काम अरु केही पनि नरहेको कार्यक्रमको प्रमुख अतिथि मधेस प्रदेश सदस्य माननीय देबनारायण चाैधरीले दाबी गर्नुभयो ।

कार्यक्रममा बिशिस्ट अतिथि जितपुरसिमरा उपमहानगरपालिकाका नगर उपप्रमुख भाेला अधिकारी , बिशिस्ट अतिथि जितपुर गाबिस अध्यक्ष कृष्ण व्रत सिंहले अहिलेसम्म कसैले नसाेचेकाे काम यो संस्थाले गरेको बताउनुभयो । युवा नेता राजुराज गिरी , समाजसेवी मनिर अंसारीले समेत आफ्नो मन्तब्य प्रस्तुत गर्नु भएको थियोे । कार्यक्रममा माओबादी नेता प्रेम बराल , ठेला संघ जीतपुरका अध्यक्ष महेन्द्र पासवान , महिला नेत्री सेल्मु नेसा , जितपुर युवा क्लबका अध्यक्ष भुनेस पासवान , राष्ट्रिय युवा संघ नेपाल नगर सचिव अयुब अंसारी लगायतको उपस्थिति रहेको थियोे ।

सहयाेगी हात नेपालका संरक्षक मनाेज कुमार साहले कार्यक्रममा मन्तव्य दिँदै हामीलाई जितपुर समाजले धेरै कुरा दिनु भएको छ र त्यसैको फलस्वरूप हामीले यस संस्थाको मार्फत जितपुर समाजलाई याे एउटा काम गरी गुण फर्काएको बताउनुभयो । आजकाे नि:शुल्क भाेजन खुवाउने कार्यक्रममा लगभग दुई सय जनाले भाेजन ग्रहण गरेको संस्थाका सदस्य मनाेज पासवानले बताए । कार्यक्रमकाे सहजीकरण संचारकर्मी एस्. एस्. पटेलले गर्नुभएको थियोे ।