उखु किसानको समस्या अध्ययन गर्न संसदीय टोली मधेस प्रदेश जितपुरमा 

इटहरी उपमहानगरले माओबादी जनयुद्धका पिडित सय परिवारको निशुल्क बिमा गरिदिने

मनाेज शाह जितपुर बारा फागुन १ गते :इटहरी उपमहानगरपालिकाका मेयर हेमकर्ण पौडेलले जनयुद्ध दिवसको अवसरमा इटहरीमा रहेका एक सय द्वन्द्व पीडित घर परिवारको निःशुल्क स्वास्थ्य बिमा गर्ने निर्णय गरेका छन् ।

मङ्गलवार नेकपा माओवादी केन्द्रको पदाधिकारीहरु सँग एक सय द्वन्द्व पीडित घर परिवारको निःशुल्क स्वास्थ्य बिमा इटहरी सरकारले गर्ने मेयर पौडेलले निर्णय गरेका हुन ।

जनयुद्ध दिवसको अवसरमा तत्काल लागु हुने गरी यही आर्थिक वर्षमा कुनै संस्था मार्फत इटहरीमा भएका एक सय द्वन्द्व पीडित घर परिवारलाई निःशुल्क स्वास्थ्य बिमा गर्न चार लाख रकम दिने निर्णय गरेका छन् ।

इटहरी क्षेत्रमा बसोबास गर्दै आएका पिडित घाइतेहरुको निशुल्क बिमा गर्ने गरिदिने छु मेयर पौडेलले भने । आफ्ना नगरमा भएको इटहरी नगर क्षेत्रमा बसोबास गर्ने परिवारको बिमा गरिदिने पौडेलको भनाई छ।

जनयुद्दमा पिडित बनेकाहरुको निशुल्क बिमा गरिदिने मेयरको भनाई प्रति माओबादीका इटहरी नगर अध्यक्ष बहादुर तामाङले आफुहरु अत्यन्तै खुसी भएको प्रतिक्रिया दिए। हामी पिडितहरुको नाम तयार गरेर मेयर सँग बुझाउने छौ तामाङले भने ।

जनयुद्ध दिवसको अवसरमा नगर प्रमुखद्वारा शुभकामना ब्यक्त

मनाेज शाह जितपुर बारा फागुन १ गते:
महान् जनयुद्धको २९ औं वार्षिकोत्सवको अवसरमा जीतपुरसिमरावासी आदरणीय बुवा, आमा, दाजुभाई, दिदी बहिनी तथा स्वदेश- विदेशमा रहनु भएका सम्पूर्ण नेपाली जनसमुदायहरुमा हार्दिक शुभकामना व्यक्त गर्दछु । देशमा क्रान्तिकारी राजनैतिक परिवर्तनको यो ऐतिहासिक सन्दर्भमा जनतालाई सार्वभौम एवम् अधिकार सम्पन्न बनाउन उच्च बलिदान गर्नुहुने सम्पूर्ण महान सहिदहरु र रामेश्वर पासवान सहितका जीतपुरसिमरावासी २१ जना सम्पूर्ण महान् सहिदहरुप्रति हार्दिक श्रद्धासुमन अर्पण गर्दछु । साथै महान जनयुद्धका क्रममा घाइते अपाङ्ग तथा वेपत्ता योद्धाहरु र उहाँका परिवारहरुप्रति उच्च सम्मान प्रकट गर्दै जनयुद्ध दिवसको खुसीयाली बाँड्न चाहन्छु ।
नेपालको राजनीतिक र सामाजिक परिवर्तनको इतिहासमा यो मुक्तियुद्धका रूपमा स्थापित भइसकेको छ जहाँ जनयुद्धको जगमा सम्पन्न भएको जनआन्दोलन पश्चात नै मुलुक संघीय लोकतान्त्रिक गणतन्त्रको रूपमा संस्थागत भई संविधान सभामार्फत नयाँ संविधान निर्माण भएको हो । संविधानले मुलुकलाई संघीय गणतन्त्रात्मक शासन प्रणालीका साथै धर्मनिरपेक्ष, समावेशी तथा समानुपातिक प्रतिनिधित्व सुनिश्चित गर्नु पनि जनयुद्धकै योगदान हो भन्ने कुरामा दुईमत हुनै सक्दैन र जसको फलस्वरुप संघ, प्रदेश र स्थानीय तह सरकारहरुको स्वरुप अभ्यासमा आएको कुरा जीवन्त नै छ ।
ऐतिहासिक रुपमा नै नेपालमा एकात्मक राज्य संरचना रहेकोमा दशवर्षे द्वन्द र २०६२/६३ को जनआन्दोलन पश्चात पुनस्थापित व्यवस्थापिका संसदले नेपालले संघीय लोकतान्त्रिक गणतन्त्र अवलम्बन गर्ने कुराको घोषणा गरेको, तत्पश्चात नेपालको अन्तरिम संविधान,२०६३ को प्रस्तावना र धारा ४ मा “नेपाल एक संघीय लोकतन्त्रिक गणतान्त्रिक राज्य” रहेको उल्लेख गदै धारा १३८ मा राज्यको केन्द्रिकृत र एकात्मक ढाँचाको अन्त्य गदै समावेशी, लोकतन्त्रिक र संघीयता सहितको अग्रगामी पुनर्संरचना गरिने कुराको प्रण गरेको पाइन्छ। यस्तो संरचनामा प्रदेश एवम् स्थानीय स्वायत्त शासन निकाय रहने कुराको परिकल्पना पनि संविधानले गरेको र संघीय स्वरुपको टुङ्गो भने संविधान सभाले लगाउने कुरा पनि उल्लेख गरेको पाईन्छ । सोही अनुरुप मुलुकमा संघीय स्वरुपको निर्धारण वर्तमान संविधानले गरेको छ, जसको श्रेय जनयुद्ध (१०बर्षे द्वन्द) लाई जाने कुरा मितिः२०७८/०६/०१ को संबैधानिक इजलासले समेत पुष्ठि गरेको छ ।
अन्त्यमा, २९ औं जनयुद्ध दिवस मनाउनुको सबैभन्दा ठूलो अर्थ, महत्व र औचित्य विभिन्न संघर्षबाट प्राप्त उपलब्धी एवम् संघीय लोकतान्त्रिक गणतन्त्रको रक्षा गर्नु रहेको अवगत गराउँदै देशभित्र र बाहिर रहेका सम्पूर्ण नेपाली जनसमुदाय तथा श्रमजीवि मजदुरहरुमा पुनः बधाई र शुभकामना व्यक्त गर्दछु ।

स्पर्श खबरको प्रभाव : जितपुरकाे मुख्य सडकको बत्ती बल्यो, स्थानीय हर्षित्

मनाेज शाह जितपुर फागुन १ गते:

लामो समयको पर्खाइपछि जितपुरकाे मुख्य सडकमा रहेको बिजुलीको पोलमा भएका बत्तीहरु बलेका छन् । पथलैया – बिरगंज काेरिडाेर अन्तर्गत पर्ने जितपुर बजारको मुख्य सडकछेउको बिजुलीको पोलमा रहेका बत्तीहरु नबल्दा जितपुर बजार वर्षौंदेखि अँध्यारो रहेको थियोे । स्पर्श खबरबाट यसबारे बराम्बार समाचार प्रकाशन भएपछि जनप्रतिनिधिकाे ध्यान यसतर्फ गएको हाे ।

अहिले जितपुर बजारकाे दुवै सडक छेउकाे बत्तीहरु बलिरहेकाेले जितपुर बजार झिलिमिली देखिएको छ । लामो समयदेखि अँध्यारोको मार खेप्दै आएका जितपुरबासीहरु आफ्नो सहर उज्यालो तथा झिलिमिली भएको देख्दा निकै हर्षित् छन् । जितपुरमा जबसम्म स्थानीय बासिन्दा तथा पत्रकारहरुले कुनै पनि कुराकाे आवाज उठाउँदैनन् तब सम्म जितपुरमा केही परिवर्तन आउँदैन भन्ने कुराको एउटा गहकिलो उदाहरणको रुपमा यसलाई लिन सकिन्छ ।

जितपुरका फुटबल खेलाडीहरुले खेल सामग्री पाएका थिएनन् । सरसफाइ गर्ने कर्मचारीहरुले दुई तीन महिनाकाे तलब पाएका थिएनन् तर यसबारे स्पर्श खबरमा समाचार प्रकाशन भएपछि खेलाडीहरुले खेल सामग्री तथा सरसफाइकर्मीहरुले तलब रकम पाएका थिए । यस्ता उदाहरणहरु धेरै छन् । जितपुरका जनप्रतिनिधिहरुले कुनै पनि समस्याबारे समाचार बनेपछि मात्रै चासाे लिने गरेको देखिन्छ । आजकल जितपुर बजारमा जहाँ त्यहीँ विवाद हुने गरेको सुनिन्छ । कतै नालाको विषयमा त कतै सडकको बिषयमा झै झगडा हुने गर्दछ । यस्ता धेरै प्रकारका विवादहरु छन् जुन जितपुरका बासिन्दाहरुले भोगिरहेको बुझ्न सकिन्छ भने सम्बन्धित निकायको भूमिका केही फितलो देखिएको छ ।

त्रिबेनी स्पिनिङका मजदुरद्वारा डाइरेक्टर कुटिए

मनाेज शाह जितपुर बारा माघ २९ गते:
त्रिबेनी स्पिनिङका डाइरेक्टर सतिस शर्मालाई मजदुरहरुले रामधुलाइ गरेका छन् । बोनसको विषयमा कुरा नमिलेको भन्दै माघ २८ गतेका दिन त्यहाँका मजदुरहरुले डाइरेक्टर सतिश शर्मालाई उद्योग परिसरमै कुटपिट गरेका हुन् ।

बोनसको विषयमा देखापरेको समस्या सुल्झाउनका लागि माघ २९ गते उद्योग प्रशासन र मजदुरहरुको बिचमा बैठक बस्ने कुरा थियोे तर माघ २८ गते नै मनोमानी ढ्ङ्गबाट सबै मजदुरको खातामा सतिश शर्माले बोनस रकम पठाउन लगाएकोले विवाद झन् चर्किएको थियो ।

गतबर्ष प्रतिव्यक्ति मजदुरले लगभग २० हजारसम्म बोनस रकम पाएका थिए तर उद्योगका डाइरेक्टर सतिश शर्माले अहिले प्रतिव्यक्ति लगभग दुई हजारदेखि तीन हजारसम्म मात्रै बोनस रकम उपलब्ध गराएको हो भनी मजदुर नेता उमेश साहले स्पर्श खबरलाई जानकारी दिए ।

के कति कारणले मनोमानी ढ्ङ्गबाट बोनस रकम निकासा गरिएको हो भन्ने कुरा डाइरेक्टर सतिश शर्मासँंग बुझ्न जाँदा शर्मा गाडी चढेर भाग्न लागेकाले मजदुरहरुले समातेर उनीमाथि हातपात गरेका थिए भनी मजदुर नेता उमेश साहले बताए । यस घटनाबारे उद्योगका डाइरेक्टर सतिश शर्मासँग बुझ्न खोज्दा उनको फोन स्विच अफ रहेको थियो ।

यसरी चिन्नुहोस् नक्कली नोट :  जोगिनुहोस्

मनिर अंसारी   जितपुर बारा माघ २७: गते यसरी चिन्नुहोस् नक्कली नोट : ठगिनबाट जोगिनुहोस्

आजकल बजारमा जताततै नक्कली नोटको बिगबिगीले गर्दा सर्वसाधारण तथा व्यापारीहरु आजित भएका छन् । सक्कली नोट तथा नक्कली नोटको बीचमा फरक छुट्याउन नसक्दा सर्वसाधारण जनताहरु निकै मारमा पर्दै आएका छन् ।

नोटमा रहेका आँखाले देख्न सकिने र लाइटको माध्यमबाट देख्न सकिने केही विशेषताहरूको बारेमा पहिचान गरेर नोट सक्कली हो कि नक्कली भनेर छुट्याउन सकिन्छ ।

#नक्कली नोट चिन्ने टिप्स :

1)*सक्कली नोटमा पानी छाप हुने गर्दछ जसलाई उज्यालोमा राखेर हेर्दा लालीगुँरास फूलको आकृति स्पष्ट रुपमा देखिन्छ ।
*नक्कली नोटमा यस्तो पानी छापमा रहेको लालीगुँरास फूलको आकृति स्पष्ट रुपमा देखिंदैन ।

2)-*सक्कली नोटमा सुरक्षण धागो हुन्छ जसलाई उज्यालोमा राखेर हेर्दा अंग्रेजीमा NRB लेखिएको हुन्छ र यसमा कुनै पनि अक्षर छोपिएको हुँदैन ।
*नक्कली नोटमा भएको यस्तो धागोमा अक्षर छोपिएको या बांगो हुन सक्दछ ।

३)-*सक्कली नोटमा प्रयोग भएको कागज केही खस्रो हुन्छ र प्रिन्टको गुणस्तर पनि राम्रो हुन्छ ।
*नक्कली नोटको कागज चिप्लो हुन्छ र प्रिन्टको गुणस्तर राम्रो हुँदैन ।

४)-*सक्कली नोटको रंग पानीमा भिज्दा पनि खुइलिंदैन तथा लत्पतिंदैन ।
*नक्कली नोट पानीमा भिज्दा रंग खुइलिन्छ तथा लत्पतिन्छ ।

५)-*सक्कली नोटको अग्र भागमा छापिएको नोटको नम्बर, सगरमाथाको चित्र र गभर्नरको हस्ताक्षर भएको भाग र एउटा हात्ती भएको पछाडिको भाग हेर्दा स्पष्ट देखिन्छ ।
*यी कुराहरु नक्कली नोटमा स्पष्ट देखिँदैन ।

६)-*नोटको अग्र भागमा नेपाल राष्ट्र बैंक, नेपाल सरकारको जमानत प्राप्त यसको रुपैयाँ भुक्तानी माग्न आएमा नेपाल राष्ट्र बैंकबाट रुपैयाँ १००० एक हजार तुरुन्त पाइने छ भनी लेखिएको तथा भगवतीको आकृति प्रिन्ट गरिएको हुन्छ । यसका साथै तिन वटा गोलाकार थोप्लाहरु पनि हुन्छन् जसलाई छाम्दा नोटको अन्य स्थानमा भएको प्रीन्ट भन्दा केही माथि उठेको अनुभव हुन्छ । (दृष्टिविहिनहरुले पनि नोटलाई छामेर नक्कली र सक्कली पत्ता लगाउन सकिने विशेषताहरु हुन् ।)

जीतपुरसिमरा उपमहानगरपालिकाको सेवा प्रबाहलाई थप ब्यवस्थित र प्रभावकारी बनाउँन : मेयर पाैडेल

मनाेज शाह जितपुर बारा माघ २७ गते :

जीतपुरसिमरा उपमहानगरपालिकाको सेवा प्रबाहलाई थप ब्यवस्थित र प्रभावकारी बनाउँन छलफल भएको छ । उपमहानगरपालिकामा राष्ट्रिय परिचय पत्र भर्ने कार्यलाई ब्यवस्थीत र नगरको गतिबिधिलाई सेवाग्राही मैत्री बनाउँने बिषयमा छलफल भएको थियो । उपमहानगरपालिकाको सभा हल जीतपुरमा भएको छलफलमा नगर प्रमुख राजन पौडेलले राष्ट्रिय परिचय पत्र भर्ने कार्यलाई वडा कार्यालय सम्म पुरयाउँने बिषयमा वडा अध्यक्ष र वडा सचिवहरुको धारणा बुझेका थिए । उनले उपमहानगरपालिकाको कार्यालय र ईलाका प्रशासन कार्यालय सिमराबाट भईरहेको राष्ट्रिय परिचय पत्र भर्ने कार्यलाई उपमहानगरपालिकाको वडा सम्म पुरयाई कसरी ब्यवस्थित गर्न सकिन्छ भन्ने बिषयमा सल्लाह मागेका थिए ।

कर्मचारीहरुले गरेको कामको आधारमा नगरपालिकाको विभिन्न क्षेत्रको विकास र प्रगतिको मापन हुने भएकाले वडा स्तरबाट नै कार्यसम्पादन प्रक्रिया सरल, सहज, सेवाग्राही मैत्री र कानुनको अधिनमा हुनुपर्ने निर्देशन दिए । उनले वडा सचिवहरुलाई घट्ना दर्ता र सार्बजनिक खरिद सम्बन्धि तालिम प्रदानकोलागि गृहकार्य गर्न अनुरोध गरे ।कार्यालय समयभन्दा अतिरिक्त समय उपमहानगरपालिकाको कार्यमा खर्चीने कर्मचारीहरुलाई विशेष प्रोत्साहन र उत्प्रेरणाको रुपमा क्षमता अभिवृद्धि कार्यक्रम सञ्चालन गरिने जानकारी दिए ।

त्यस्तै ईलाका प्रशासन कार्यालय सिमराका प्रमुख धुब्र गिरीले नागरिकतामा स्टीकर नहुने बित्तिकै नागरिकता फेक हो भन्नी सबै नागरिकतालाई शंकाको घेरामा नराख्न अनुरोध गरे । नागरिकतामा लेखिएका कुराहरु प्रष्ट रुपमा देखिन्छ र नागरिकता सहि भएमा राष्ट्रिय परिचय पत्रको फारम भर्न अनुरोध गरे । छलफल कार्यक्रममा जीतपुरसिमरा उपमहानगरपालिकाको उप प्रमुख भोला प्रसाद अधिकारी , प्रमुख प्रशासकिय अधिकृत शिवजी प्रसाद ,ईलाका प्रशासन कार्यालय सिमराका प्रमुख धुब्र गिरी , उपमहानगरको प्रबक्ता ईश्वर के.सि. , वडा नं.१ देखि वडा नं.१३ सम्मका वडा अध्यक्ष र वडा सचिवहरुको सहभागिता रहेको थियो ।

उद्योग, कृषि र पर्यटनलाई प्राथमिकताका साथ  बाणिज्य संघले पहिलो पटक महोत्सव गर्दै

मनाेज शाह जितपुर बारा माघ २७ गते: