जन आन्दोलन दिवसको अवसरमा आम विद्यार्थी मोर्चाद्वारा राष्ट्रिय भेलाको आह्वान : विद्यार्थी अनुपातमा ह दरबन्दीको माग
मनोज शाह, जीतपुर बारा, चैत्र ३ गते
आम जनता पार्टीका अध्यक्ष एवम पूर्व मन्त्री प्रभु साहको प्रमुख आतिथ्यमा आज आम विद्यार्थी मोर्चाको केन्द्रीय कमिटीको विस्तारित बैठक काठमाडौंमा भव्यरुपमा सम्पन्न भएको छ । आम विद्यार्थी मोर्चाको अध्यक्ष विवेक साहको अध्यक्षतामा बसेको उक्त बैठकले जन आन्दोलन दिवसको अवसरमा चैत्र २४ गतेका दिन काठमाडौंमा राष्ट्रिय भेला गर्ने निर्णय गरेको छ ।
विद्यार्थीको अनुपातमा शिक्षकको दरबन्दी हुनुपर्ने माग राख्दै आम विद्यार्थी मोर्चाले चैत्र २४ गते जन आन्दोलन दिवसको मौकामा राजधानी काठमाडौंमा राष्ट्रिय भेला गर्न लागेको आम विद्यार्थी मोर्चाको अध्यक्ष विवेक साहले स्पर्श खबरलाई जानकारी दिनुभयो ।
भ्रष्टाचार एवम् लुटको विरुद्ध आजपाले काठमाडौमा जनप्रदर्शन गर्ने
मनाेज शाह जितपुर बारा चैत २गते: ्
आम जनता पार्टीका अध्यक्ष पूर्व मन्त्री माननीय प्रभु साह ज्यूको अध्यक्षतामा आज आम जनता पार्टीको पदाधिकारीहरुको विशेष बैठक सम्पन्न भएको छ । उक्त बैठकले देशमा जताततै फैलिरहेको भ्रष्टाचार , लुटतन्त्र, मीटरब्याजीहरुको मनोमानी आदि समस्यालाई जरैदेखि उखेल्नुपर्ने निष्कर्ष निकाल्दै लुटकारी दलतन्त्रको विरुद्ध , भ्रष्टाचारीहरुको विरुद्ध तथा बैंकहरुले लिइरहेको मनोमानी ब्याज फिर्ताको लागि यही चैत्र २४ गते काठमाण्डौमा आम जनता पार्टीको नेतृत्वमा जनप्रदर्शन गर्ने निर्णय गरेकोछ ।
देशमा आम जनताको शासन स्थापना गर्ने संकल्प सहित आजपाले जनआन्दोलन दिवसको अवसरमा सशक्त आन्दोलन उठान गर्नेछ र गरिब, पीडित जनताको सहारा बनेर आजपाले देशमा नयाँ युगको सुरुआत गर्नेछ भन्ने कुरामा जोड दिँदै आजपाका केन्द्रीय सचिव एवम् मधेश प्रदेश अध्यक्ष उमेश कुश्वाहाले स्पर्श खबरलाई जानकारी दिनुभयो ।
आम जनता पार्टी मधेश प्रदेशका अध्यक्ष उमेश कुश्वाहासंग स्पर्श खबरले गरेको विशेष कुराकानीमा मधेश प्रदेश सरकार असफलताको बाटोतर्फ लम्किरहेको बताउनु भयो ।
आ.ज.पा. मधेश प्रदेशका अध्यक्ष एवम् चर्चित युवा नेता उमेश कुश्वाहाका अनुसार मधेश प्रदेशमा विकास योजना अन्तर्गतका भौतिक पूर्वाधार विकास , शिक्षा, स्वास्थ जस्ता विकासका योजनामा व्यापक भ्रष्टाचार भइरहेको समाचार हरेक दिन सामाजिक संजालमा छाइरहेको छ । उमेश कुश्वाहाले स्पर्श खबरसँगको कुराकानीका क्रममा आम जनसमुदायले मधेश प्रदेश सरकार चरम् भ्रष्टाचारमा डुबेको गुनासो गरिरहेका जनाए ।
समग्र मधेश प्रदेशको उत्थानका लागि मधेश प्रदेश सरकारले गरिरहेको भ्रष्टाचारको विरुद्धमा आम जनसमुदायले आन्दोलनको बाटो पहिल्याउनुपर्ने एकमात्रै विकल्प बाँकी रहेको कुश्वाहाले बताउनुभयो ।
मधेस सरकारले किसानलाई पेन्सन , मल, बीउ तथा सिंचाइ पूर्ण रुपमा नि:शुल्क गर्ने योजना संचालनमा ल्याउन सकिरहेको छैन यसले गर्दा आम किसानहरुमा सरकारप्रतिको असन्तुष्टि बढिरहेको छ भन्ने कुरा उमेश कुश्वाहाले स्पर्श खबरलाई बताउनु भयो ।
एमाले मधेस प्रदेशको जनसङठन समन्वय समयन्त्र प्रमुखमा पौडेल
मनाेज शाह जितपुर बारा फागुन २९ गते:
नेकपा एमाले मधेस प्रदेशको जनसङठन समन्वय समयन्त्र प्रमुखको जिम्मेवारी सचिव मनोज पौडेललाई दिइएको छ । नेकप एमाले मधेस प्रदेश कमिटीको चन्द्रनिगाहपुरमा बसेको दोस्रो बैठकले पौडेललाई सो जिम्मेवारी दिएको हो ।
सो जिम्मेवारीसँगै नेकपा एमालेको २३ वटा जनसंगठनको इन्चार्ज पनि तोकेको छ । जनसङठन समन्वय समयन्त्र पार्टिको शक्तिशाली स्थान भएकोले पौडेलले २३ वटा जनसंगठन हाक्ने जिम्मा पाउनुभएको छ । आफुले जिम्मेवारी पाएसँगै मधेस प्रदेशका एमालेका जनसंगठनलाई चुस्तदुरुस्त पार्दै यसलाई थप चलायमान बनाउने पौडेलले बताउनुभयो । ‘मधेस प्रदेशमा नेकपा एमाले सबैभन्दा लोकप्रिय पार्टी हो । यसलाई अझै लोकप्रिय बनाउँदै ८४ मा एमालेको बहुमतको सरकार बनाउन जनसंगठनहरुलाई सक्रिय रुपमा जनजनमा परिचालित बनाउनेतर्फ मेरो प्राथमिकता हुनेछ’, उहाँले भन्नुभयो, ‘जनसंगठनहरुले अब पार्टीको मुद्धा सँगसँगै होइन जनताको पनि मुद्धा पहिलो प्राथमिकताको साथमा बोक्नुपर्छ ।
नेकपा एमाले मधेस प्रदेश कमिटीको दोस्रो बैठक चन्द्रपुरमा सम्पन्न
मनाेज शाह जितपुर बारा फागुन २७ गते:
नेकपा एमाले मधेस प्रदेश कमिटीको दोस्रो बैठक आज )) रौतहटको चन्द्रपुरमा सम्पन्न भएको छ। बैठकले जनसंगठन र विभागको प्रमुख तोक्नुका साथै प्रदेश कमिटी सदस्यहरूको कार्यविभाजन सहित समसामयिक विषयमा विभिन्न प्रस्ताव समेत पारित गरेको छ। जस अनुसार
सङठन बिभाग प्रमुखमा चन्देस्वर मण्डल,स्थानिय बिकास बिभागको प्रमुखमा बिचारी यादब,जनसङठन समन्वय सम्यन्त्र प्रमुखमा मनोज पौडेल,प्रचार तथा प्रकाशन बिभाग प्रमुखमा आरती भण्डारी,
आर्थिक बिभाग प्रमुख महम्द कैस,पार्टी स्कुल बिभागमा शन्कर महत्तो र सहकारि तथा गरिबी निवारण बिभागमा अम्विका चौलागाइलाई प्रमुखको जिम्मेवारी दिएको छ ।
बैठकले बर्तमान अवस्थामा केन्द्रमा नेकपा एमाले सहितको सत्ता समिकरण बनेको र मधेस प्रदेशमा नेकपा एमाले सबै भन्दा ठूलो पार्टी भएकोहुनाले मधेस प्रदेशका जनताको चाहनालाइ ध्यान दिदै प्रदेश सरकारको नेत्रीत्व गर्ने गरि आवश्यक पहलका लागि पार्टि केन्द्रलाइ आग्रह गरेको एमाले मधेस प्रदेश कमिटिका सचिब मनोज पौडेलले जानकारी दिनु भयो ।
प्रदेश कमिटीका अध्यक्ष चन्देश्वर मण्डलको अध्यक्षतामा र केन्द्रीय सचिब तथा मधेश प्रदेश इन्चार्ज योगेश भट्टराइको प्रमुख आतित्यथामा सम्पन्न कार्यक्रमको सहजिकरण सचिब मनोज पौडेलले गर्नु भएको थियो । कार्यक्रममा पोलिटब्युरो सदस्यहरु पुरुषोत्तम पौडेल,सुमनराज प्याकुरेल,रामदयाल मण्डल लिलानाथ श्रेष्ठ,अच्युत मैनाली,जुली महत्तो र मञ्जु चौधरीको विशेष उपस्थिति रहेको थियो।
नेकपा एमाले मधेस प्रदेश कमिटीको बैठकले पारित गरेका विभिन्न प्रस्तावहरू :
१. अहिले देशमा नेकपा एमाले पहलमा नयाँ सरकार बनेको छ । प्रधानमन्त्री पुष्पकमल दाहाल “प्रचण्ड” को नेतृत्वमा एमाले सहितको सरकार बनेको छ । यो सरकारले जनतामा सकारात्मक आशा जगाएको छ । यसले अहिले राष्ट्रियता र जनताको समस्या समाधान गर्न सकिने सम्भावना समेत देखिएको छ । नेकपा एमाले मधेस प्रदेश कमिटी यसलाई स्वागत गर्दछ र राजनीति तथा शासकीय स्थिरताका लागि सबैमा हार्दिक आग्रह गर्दछ ।
२. नेकपा एमाले प्रदेश कमिटी नयाँ सरकारलाई केपी ओली नेतृत्वको सरकारले अधि बढाएका योजना सुचारु गर्ने , वजेट कटौति गरिएका योजनामा वजेट राख्ने र भुक्तानीको व्यवस्था गरि अघि बढ्न माग गर्दछ ।
३. मधेस प्रदेशका विभिन्न जिल्ला र स्थानहरुमा खानेपानीको समेत समस्या देखिएको छ । समस्याग्रस्त जिल्ला र स्थानहरुमा खानेपानीको योजना कार्यन्वयन गर्न माग गर्दछौं । साथै चुरे क्षेत्रको मरुभूमिकरण रोक्न विशेष योजना ल्याउन समेत माग गर्दछौं ।
४. मधेस प्रदेश भूमिहिन , सुकुम्वासीहरु अत्याधिक रहेको प्रदेश हो । कानुन बमोजिक भूमिहिन, सुकुम्बासी , दलित तथा अव्यवस्थित वसोवासीहरुको समस्या समाधानतर्फ गम्भिरतापूर्वक लाग्न माग गर्दछौं ।
५. नेकपा एमाले अहिले मधेस प्रदेशको पहिलो पार्टी हो । यसले प्रतिनिधी सभा र प्रदेश सभामा सबैभन्दा धेरै सिटमा विजय हासिल गरेको छ । यो बैठक आगामी दिनमा नेकपा एमालेलाई मधेस प्रदेशमा बहुमत सहितको पार्टी बनाउने संकल्प गर्दछ ।
६. कृषि उत्पादनको दृष्टिले सर्वाधिक उर्भरभूमी रहेको मधेस प्रदेशका किसानको हकको निम्ति सुलभ कृषि रिन, मलखाद तथा सिचाँइको लागि आवश्यक व्यवस्था अहिलेको आवश्कता हो । नयाँ सरकारले किसानको समस्याको बारे विशेष कार्ययोजना ल्याओस् भन्ने माग गर्दछौं ।
७. अत्यधिक उखु किसान रहेको यस प्रदेशका विरगंज चीनी कारखाना बन्दभयो । अहिले रौतहटको गरुडामा रहेको श्रीराम सुगर मिल बन्द भएको छ । यसले रौतहट, बारा, पर्साका उखु किसानहरु पिडित भएका छन् । यो बैठक सरकारसँग बन्द रहेका चिनी उद्योगहरु खोल्न जोडदार माग गर्दछ ।
८. मधेस प्रदेशमा जातीय विभेद, लिङ्गीय विभेद समेत चर्को समस्याको रुपमा देखिएको छ । कतिपय स्थानमा यो अझै जटिल सामाजिक समस्याको रुपमा प्रकट हुने गरेको छ । नेकपा एमाले सबै खाले विभेदको अन्त्य र सामाजिक न्यायको लागि काम गर्न सरकारसँग जोडदार माग गर्दछ ।
९. मधेस प्रदेशका कतिपय स्थानमा अहिले पनि हुलाकी राजमार्ग निमार्णमा समस्या देखिएको छ । तामागढी, सिम्रौनगढ सडकको मुअब्जा नपाएका कारण अझै केही समस्या देखिएको छ । हामी सबै समस्याको हल गरि हुलाकी राजमार्ग निमार्ण कार्य तत्काल सम्पन गर्न माग गर्दछौं ।
१०. देशका दुग्ध उत्पादक किसान आन्दोलनको क्रममा छन् । उनीहरुको दुधको रकम भुक्तानी गर्न बाँकी रहेको छ । माछा किसानहरुको समस्या यथावतै छ । कृषि उत्पादन क्षेत्रमा लागेका किसानहरुको खेतमा सिँचाइ पुर्याउने कुरा अरु चुनौतिपूर्ण छ । सुनकोशी –मरिन तथा सुनकोशी – कमला ड्राइभर्सन सिचाँइ योजनालाई गति दिन आवश्यक छ । यसतर्फ तत्काल ध्यान दिन र समस्याको समाधान गर्न जोडदार माग गर्दछौं ।
११. कोशी टप्पु वन्यजन्तु आरक्ष र पर्सा राष्ट्रिय निकुञ्ज यसै प्रदेशमा पर्दछन् । कोशी टप्पु वन्यजन्तु आरक्षको सृदिढीकरण गर्नु आवश्यक छ भने पर्सा राष्ट्रिय निकुञ्ज आसपासका वस्तीहरुमा वन्यजन्तुको आक्रमणका कारण मानविय तथा पशुधनको क्षति भइरहेको छ । यसलाई रोक्न प्रभावकारी कदम चालियोस् ।
१२. मिटर व्याज पिडितहरु न्याय माग्दै काठमाडौंसम्म जानुपर्ने स्थिति बन्यो । यो राम्रो होइन । सरकारले मिटर व्याज पिडितहरुको समस्या तत्काल समाधान गर्नुपर्छ ।
१३. मुलुकको विकासको संभावनाका अनेक ढोकाहरु खोल्न सक्ने निजगढ अन्तराष्ट्रिय विमानस्थल निर्माण जुनसुकै सरकार र राज्यका अंगहरुको प्राथमिकताको विषय हुनु आवस्यक छ । अहिलेको सरकार जनताको विकाशको चहाना पुरागर्ने सरकार हो । यसैले निजगढ अन्तराष्ट्रिय विमानस्थल निर्माण कार्य सुरु गर्नको सरकारसँग जोडदार माग गर्दछौ । यसैगरी तराई मधेशलाई काठमाडौंसँंग जोड्ने काठमाडौं निजगढ फास्टट्रयाक निर्माण कार्य समयमै सम्पन्न गर्न माग गर्दछौ ।
१४.बैठकले बर्तमान अवस्थामा केन्द्रमा नेकपा एमाले सहितको सत्ता समिकरण परिवर्तन भएको र मधेस प्रदेशमा नेकपा एमाले सबै भन्दा ठूलो पार्टी भएकोहुनाले मधेस प्रदेशका जनताको चाहनालाइ ध्यान दिदै प्रदेश सरकारको नेत्रीत्व गर्ने गरि आवश्यक पहलका लागि पार्टि केन्द्रलाइ आग्रह गरेको छ ।
१५. बैठकले नेकपा एमाले मधेस प्रदेश कमिटीको बैठकको व्यवस्थापनमा जुटेर बैठकलाई सफल बनाएकोमा नेकपा एमाले जिल्ला कमिटी रौतहट र नगर कमिटी चन्द्रपुरलाई हार्दिक धन्यवाद ज्ञापन गरेको छ।
कानुनविपरीत काम गर्ने सहकारी र लघुवित्तलाई कारबाहीको दायरामा ल्याइन्छ : प्रधानमन्त्री दाहाल
स्पर्श खबर जितपुर बारा फागुन २४ गते:
प्रधानमन्त्री पुष्पकमल दाहालले कानुनविपरीत सञ्चालन भइरहेका लघुवित्त वित्तीय संस्थाहरूलाई छानबिन गरी कारबाहीको दायरामा ल्याइने बताएका छन् ।
बिहीबार संसद्मा उठेका प्रश्नहरूको जवाफ दिँदै प्रधानमन्त्री दाहालले प्रचलित कानुन तथा नेपाल राष्ट्र बैंकबाट दिइएको निर्देशन विपरीत कार्य गर्ने लघुवित्त वित्तीय संस्थाहरूलाई छानबिन गरी कारबाहीको दायरामा ल्याइने बताएका हुन् । प्रधानमन्त्री दाहालले तोकेकोभन्दा बढी शुल्कभन्दा बढी शुल्क सम्बन्धित खातावालाई फिर्ता लिने काम भइरहेको जानकारी दिएका हुन् ।
‘तोकेभन्दा बढी लिइएको सेवा शुल्क फिर्ता गरी सम्बन्धित ऋणीको खातामा जम्मा गर्न दिएको निर्देशन कार्यान्वयन भइरहेको छ,’ प्रधानमन्त्री दाहालले भने, ‘गुनासो सुनुवाइ र त्यसको समाधानका लागि लघुवित्त संस्था सुपरीवेक्षण विभागमा बेग्लै डेस्कको व्यवस्था गरिएको छ ।सभर कान्तिपुर ।
त्यस्तै प्रधानमन्त्री दाहालले दुग्ध किसानको भुक्तानी सहज बनाउन सरकार, सम्बन्धित उद्योगी–व्यवसायी र किसान संगठनबीच वार्ता गराई किसानले पाउनुपर्ने पुस मसान्तसम्मको बक्यौता चैत्र २१ गतेभित्र भुक्तानी गरिसक्ने र अन्य नियमित भुक्तानी जारी राख्ने सहमति भएको बताए ।
प्रधानमन्त्री दाहालले कपिलवस्तुको रामग्रामको जग्गा लिज सम्बन्धमा प्रतिनिधिसभाको सार्वजनिक लेखा समितिले दिएको निर्देशन लुम्बिनी विकास कोषको कार्यकारिणी समितिले कार्यान्वयन गरिसकेको जानकारी गराए ।
नवनियुक्त उपप्रधानमन्त्री एवं गृहमन्त्री रवि लामिछानेले देशैभरिबाट हडपिएका सरकारी जग्गा यथाशीघ्र सरकारको नाममा फिर्ता ल्याउन निर्देशन दिनुभएको छ ।
गृह मन्त्रालयमा बुधवार पदबहाली गर्दै उहाँले सो निर्देशन दिनुभएको हो । व्यक्ति तथा संस्थाले हडपेका सरकारी स्वामित्वका जग्गा तत्काल सरकारमा ल्याउन पहल गर्नुपर्ने उहाँको भनाइ छ । उहाँले कर्मचारीलाई निर्देशन दिँदै भन्नुभयो, “सरकारी जमिन हडप्नेलाई निर्मम कारबाही गर्नुस्, हडपिएका सरकारी जमिन सरकारको नाममा ल्याउनुस् ।”
गृहमन्त्री लामिछानेले नेपाली नागरिकले शान्ति सुरक्षाको प्रत्याभूति हुने खालका काम गर्न निर्देशन दिनुभयो । “नागरिकलाई दुःख दिने खालका कुुरा आफूलाई सैह्य हुँदैन, बर्दी लगाएको प्रहरी देख्दा नागरिकलाई सुरक्षा महसुस हुनुपर्छ, सोहीअनुसार काम गर्नु होला” उहाँले भन्नुभयो ।
राष्ट्रपति कार्यालयमा पद तथा गोपनीयताको शपथ लिएपछि गृह मन्त्रालय पुग्नुभएका उहाँलाई गृहसचिव दिनेशकुमार भट्टराई, प्रहरी महानिरीक्षक वसन्तबहादुर कुँवर, सशस्त्र प्रहरी बल नेपालका महानिरीक्षक राजु आर्याल लगायत उच्च अधिकारीले स्वागत गर्नुभयो । रासस
जनता समाजवादी पार्टी (जसपा) नेपालले सरकारमा सहभागी हुने मन्त्रीबारे टुङ्गो लगाउन केन्द्रीय कार्यकारिणी समितिको बैठक बोलाएको छ ।
पार्टी केन्द्रीय कार्यालय बालकुमारीमा आज बिहान ८ बजेका लागि बैठक बोलाइएको सो पार्टीका प्रचार प्रसार तथा प्रकाशन विभाग प्रमुख पूर्ण बस्नेतले राससलाई जानकारी दिनुभयो ।
उहाँका अनुसार जसपा १५ सङ्घीय सांसद रहेका र जसपाले सरकारमा सहभागी हुने निर्णय यसअघि नै गरिसकेको छ ।
प्रचण्ड नेतृत्वको नयाँ सरकारमा बारा क्षेत्र नं. ३ की सांसद एवम् एमाले पोलिटव्युरो सदस्य ज्वालाकुमारी साह पुनः मन्त्री बन्ने
मनाेज शाह जितपुर बारा फागुन २३ गते:
प्रचण्ड नेतृत्वको नयाँ सरकारमा बारा क्षेत्र नं. ३ की सांसद एवम् एमाले पोलिटव्युरो सदस्य ज्वालाकुमारी साह पुनः मन्त्री बन्ने भएकी छिन् । एमालेले केन्द्रीय सचिव रघुविर महासेठको नेतृत्वमा सहभागी हुने ९ मन्त्रीको नाम टुंगो लगाउँदा साहले पुनः अवसर पाएकी हुन् ।
साह यसअघि २०७९ सालमा प्रचण्ड नेतृत्वको सरकारमा कृषी तथा पशुपंक्षी विकास मन्त्री बनेकी थिईन् । तर राष्ट्रपति निर्वाचनमा प्रचण्डबाट धोका पाएपछि एमाले सरकारबाट बाहिरिएको थियो ।
अघिल्लो वर्ष प्रचण्ड नेतृत्वको सरकारमा गएका चार मन्त्रीलाई पुनः अवसर दिँदै एमालेले मन्त्रीको नाम टुंगो लगाएको हो । मन्त्रीको नाम टुंगो लगाएपनि मन्त्रालय भने टुंगिन बाँकी छ । तर दुई पटक छोटो अवधिका लागि कृषी तथा पशुपंक्षी विकास मन्त्री बनेकी साहले तेस्रो पटक पुनः सोही मन्त्रालयको जिम्मेवारी पाउने सम्भावना छ ।
यो संगै साह चौथो पटक नेपाल सरकारको मन्त्री भएकी छिन् । यसअघि उनि पहिलो पटक २०६८ सालमा बाबुराम भट्टराई नेतृत्वको सरकारमा भूमिसुधार तथा व्यवस्था राज्यमन्त्री भएकी थिईन् भने २०७८ मा केपी ओली नेतृत्वको सरकार र २०७९ सालमा प्रचण्ड नेतृत्वको सरकारमा कृषी तथा पशुपंक्षी विकास मन्त्री भएकी थिईन् ।
२०७९ सालमा मन्त्रीको सपथ लिदै ज्वालाकुमारी साह ।
साह २०६४ सालमा नेकपा माओवादीबाट समानुतिक संविधानसभा सदस्यमा निर्वाचित भएकी साह २०७४ सालमा बारा क्षेत्र नं. ३(१) बाट मधेस प्रदेशसभा सदस्यमा निर्वाचित भएकी थिईन् । नेकपा एमाले र नेकपा माओवादी केन्द्रबीचको एकतालाई सर्वोच्च अदालतले मान्यता नदिएपछि दुवै पार्टी छुट्टाछुट्टै बाटोमा हिड्दा साह भने एमालेतर्फ लागिन् । जसका कारण माओवादी केन्द्रले उनलाई प्रदेशसभा सदस्य पदबाट हटाएको थियो ।
प्रदेशसभा सदस्य पद गुम्ने भएपनि एमाले नछाडेकी साहलाई अध्यक्ष ओलीले मधेस प्रदेश (तत्कालिन प्रदेश २) को पार्टी अध्यक्ष समेत बनाएका थिए । साह २०७९ सालको निर्वाचनमा बारा क्षेत्र नं. ३ बाट जसपाका रामबाबु यादवलाई पराजित गर्दै प्रतिनिधिसभा सदस्य निर्वाचित भईन् । प्रतिनिधिसभामा उनि निर्वाचित हुँदा प्रदेशसभातर्फको दुवै सिट पनि एमालेले जितेको थियो ।
्