एसइईको नतिजा असार दोस्रो साताभित्र सार्वजनिक गर्ने तयारी

स्पर्श खबर जितपुर बारा असार २ गते: नयाँ प्रणालीका कारण नतिजामा पनि फेरबदल आउने राष्ट्रिय परीक्षा बोर्डले माध्यमिक शिक्षा परीक्षा (एसइई)को नतिजा असार दोस्रो साता प्रकाशन गर्ने गरी गृहकार्य अघि बढाएको छ । परीक्षा लिएको मितिअनुसार दोस्रो सातासम्म नतिजा सार्वजनिक गर्ने तयारी भएको बोर्डले जनाएको छ । १५ चैतदेखि सुरु भएको एसइईमा देशभरका दुई हजार ६४ परीक्षा … Read more

जितपसरसिमरा  बिधालयलाइ  घटुवा गर्ने बाटाे खुल्यो 

जितपसरसिमरा  बिधालयलाइ  घटुवा गर्ने बाटाे खुल्यो

मनाेज शाह जितपुर बारा जेठ ३१ गते :

बारा जिल्लाकाे     जीतपुरसिमरा उपमहानगरपालिकाको नगर शिक्षा समितिले गत ७ जेठमा विद्यालयलाई घटुवा र समायोजन सम्बन्धि गरेको निर्णय कार्यान्वयन गर्ने बाटो खुलेको छ ।

शिक्षा समितिले गरेको निर्णय विरुद्ध जीतपुरसिमरा वडा नं. १६ कतर्वास्थित श्री नेपाल राष्ट्रिय आधारभूत विद्यालयका व्यवस्थापन समितिका अध्यक्ष गंगााप्रसाद मैनालीले उच्च अदालत जनकपुर, अस्थायी इजलास वीरगञ्जमा रिट दर्ता गरेका थिए ।

मुद्दामा ३० जेठमा चढेको पेशीमा भएको बहसपछि अन्तरिक आदेश जारी गर्नुनपर्ने आदेश भएको छ । त्यसअघि २५ जेठमा लिखित जवाफ पेश गर्न उपमहागरलाई आदेश भएको थियो भने तत्काललाई निर्णय कार्यान्वयन नगर्न, नगराउन उत्प्रेषण परमादेश जारी भएको थियो ।

उपमहानगरबाट बहस गरेकी अधिवक्ता विद्या कटुवालका अनुसार उच्च अदालतको संयुक्त इजलासले माननिस न्यायधिश गणेश ठाकुर र खडानन्द तिवारीले अन्तरिक आदेश जारी गर्नुनपर्ने आदेश भएसँगै निर्णय कार्यान्वयन गर्ने बाटो खुलेको छ ।

जितपुरमा बक्तृत्वकला प्रतियोगीता सम्पन्न

जितपुरमा बक्तृत्वकला प्रतियोगीता सम्पन्न

मनाेज शाह जितपुर बार

गणतन्त्र दिवसको उपलक्षयमा आयोजीत बक्तृत्वकला प्रतियोगीतामा एभरग्रीन ई. बोर्डिगं स्कुल पहिलो भएको छ । बाराको जितपुरसिमरा उपमहानगरपालिका वडा नम्बर ७ जितपुरमा आयोजित यस प्रतियोगितामा एभरग्रीन ई. बोर्डिगं स्कुल पहिलो स्थान ल्यान सफल भएको  हो ।

जितपुरसिमरा एन. प्याब्नको सहकार्यमा आयोजित यस प्रतियोगीतामा यस नगर भित्र रहेको सिमरा र जितपुरका गरी १५ ओटा निजि विद्यालयहरुको सहभागिता रहेको थियो । आयोजक समेत रहेको यस विद्यालयको छात्रा श्रेयन साहले प्रथम स्थान ल्याउन सफल भएका हुन् ।

यसैगरी प्रतियोगीतामा केयरभिजन ई.स्कुल द्धितिय र अम्ब्रेला ई.स्कुल तृतिय सथान ल्याउन सफल भएका छन् । केयरभिजनका लागि छात्रा फतिमा खातुनले द्धितिय र अम्ब्रेला स्कुलका लागि छात्रा प्रियान्सी वर्माले तृतिय स्थान ल्याउन सफल भएको आयोजक स्कुलले जनाएको छ ।

विद्याालयका संस्थापक डा कृपा सिन्धुको सभाअध्यक्षताम समपन्न यस प्रतियोगीतामा विद्यालयका संचालक राजेश अधिकारी, प्रमुख अतिथीको रुपमा मधेश प्रदेशका प्रदेश सभा सदस्य देवनारायण चौधरी र जितपुरसिमरा उपमहानगरपालिका वडा नम्बर ७ का वडा अध्यक्ष सुनिल गुप्ताको उपस्थिती रहेको थियो ।

गर्मी अत्यधिक बढेपछि तीन दिन विद्यालय बन्द गर्ने    जितपुरसिमरा उपमहानगरपालिकाकाे  निर्णय

गर्मी अत्यधिक बढेपछि तीन दिन विद्यालय बन्द गर्ने    जितपुरसिमरा उपमहानगरपालिकाकाे  निर्णय

मनाेज शाह जितपुर बारा जेठ १४ गते:

गर्मि अत्यधिक बढेपछि जीतपुरसिमरा उपमहानगरपालिकाले विद्यालयहरुमा गर्मी बिदा दिएको छ । अत्यधिक गर्मी र ‘लू’ का कारण पठनपाठनमा समस्या भएपछि तीन दिनका लागि जीतपुरसिमरा उपमहानगर अन्तर्गतका सम्पूर्ण विद्यालयमा बिदा दिइएको शिक्षा, युवा तथा खेलकुद महाशाखाका उपसचिव शिवजी प्रसादले बताए । ‘बिहानैदेखि चर्को घाम र तातो हावा चल्ने गरेको छ, त्यसले विद्यालयका बन्द कोठामा विद्यार्थी बिरामी पर्न सक्छन्,’उनले भने, ‘अहिले गरिएको गर्मी बिदा बर्षे बिदामा कटौती गर्ने गरी व्यवस्थापन गर्न पनि विद्यालयहरूलाई निर्देशन गरिएको शिक्षा शाखा प्रमुख शिवजी प्रसादले बताए ।

उनका अनुसार यही जेठ १६ देखि १८ गतेसम्म सम्पूर्ण विद्यालयमा बिदा दिइएको छ । जेठ १४ गतेको नगर प्रमुख स्तरीय निर्णयअनुसार बिदा दिइएको हो । १५ गते गणतन्त्र दिवसको सार्वजनिक बिदा छ भने १९ गते शनिबार परेको छ । जीतपुरसिमराको तापक्रम अहिले ४१ डिग्री सेल्सियस माथि पुगेको छ । अत्यधिक गर्मीले यस क्षेत्रका सर्वसाधारणलगायतको जनजीवन कष्टकर बनेको छ ।

सामुदायिक विद्यालयलाई सूचना अधिकारी तोक्न निर्देशन

सामुदायिक विद्यालयलाई सूचना अधिकारी तोक्न निर्देशन

स्पर्श खबर जितपुर बारा जेठ १२ गते:

काठमाडौं महानगरपालिकाले यही जेठ १४ गतेभित्र काठमाडौं उपत्यकामा सञ्चालित सबै सामुदायिक तथा संस्थागत विद्यालयलाई सूचना अधिकारी तोक्न आग्रह निर्देशन दिएको छ ।

महानगरपालिकाको सञ्चार तथा सूचना ऐन, २०८० बमोजिम कामपाले यही जेठ १४ गतेभित्र सूचना अधिकारी तोकेर महानगरपालकालाई जानकारी गराउन निर्देशन पनि दिएको छ ।

महानगरपालिकाको शिक्षा विभागप्रमुख गोविन्दप्रसाद शर्माका अनुसार कामपाले यसअघि पनि शैक्षिक संघसंस्थालाई सूचना अधिकारी तोकेर विभागका पठाउन आग्रह गरेको तर कामपाको आग्रहअनुसार केही विद्यालयले मात्र सूचना अधिकारी तोकेको जानकारी प्राप्त भएकाले पुनः निर्देशन दिइएको हो । सूचना अधिकारी तोक्दा संस्थाको दोस्रो जिम्मेवारीमा रहेको व्यक्ति हुनुपर्नेछ । हाल महानगरपालिकामा ८७ सामुदायिक विद्यालय सञ्चालनमा छन्भने छ सय संस्थागत विद्यालय छन् ।

यसअघि महानगरपालिका क्षेत्रमा सञ्चालित सहकारीहरूले सूचना अधिकारीको व्यवस्था गरी सहकारी विभागमा जानकारी गराएका छन् । यसैबीच,  गत वैशाख १९ गतेदेखि काठमाडौं महानगरपालिकाले आयोजना गरेको सीप मेलामा आवेदन गरेकालाई स्थानीय विद्यालय र क्याम्पससँगको सहकार्यमा तालिम दिइने भएको छ ।

महानगरपालिकाले २०८१ सालको शुभारम्भमा दुई हजार ८१ जनालाई सीपमूलक तालिम दिएर ‘स्वरोजगार’, ‘रोजगार’ र ‘अन द जब ट्रेनिङ’ उपलब्ध गराउने लक्ष्य लिएकामा आवेदन गरेका सबैलाई तालिम दिन लागेको सामाजिक विकास विभागका निमित्त प्रमुख विमला कोइरालाले बताए ।नयाँ पत्रका ।   उनले भने,‘साठी हजार बढीले फाराम भर्नुभएको छ, त्यसबाट छनोट गरेर वा कागजात पूरा गरेका  सबैलाई तालिम दिनेछ ।’

महानगरपालिकाले सम्बन्धित क्याम्पस र विद्यालयहरुसँग सम्झौता गरिसकेको छ । फाराम भरेकामध्येबाट दुई हजार ८१ जनालाई तत्काल तालिम दिने र अन्यलाई आवश्यकताका आधारमा आगामी तीन वर्षभित्रमा प्रशिक्षण दिइनेछ ।

 

मधेशमा शिक्षक दरबन्दीको लागि आजपाले आन्दोलन गर्ने

मधेशमा शिक्षक दरबन्दीको लागि आजपाले आन्दोलन गर्ने

मनाेज शाह जितपुर बारा १६ गते:

आम जनता पार्टीको आज चन्द्रपुरमा बसेको प्रदेश पदाधिकारीहरुको बैठकले मधेशमा बिधार्थी संख्याको अनुपातमा शिक्षक दरबन्दीको व्यवस्था गर्न संघर्षको कार्यक्रम गर्ने निर्णय गरेको छ । ४०-५० विद्यार्थी संख्यामा एक जना शिक्षक रहने सरकारी मान्यता विपरीत आज मधेशमा ८०-१०० जना विद्यार्थी बराबर एक शिक्षक रहेको विडम्बना छ । यसको साथै मधेस प्रदेशका अनेकौं विद्यालयमा शिक्षक दरबन्दी समेत शुन्य रहेको दु:खदायी अवस्था रहेको छ ।

 

यहाँका अनेकौं विद्यालयमा विषयगत शिक्षकको पुरै अभाव रहेको विडम्बनापूर्ण स्थितिमा रहेकोले यस्तो समस्यालाई जरैदेखि उखेल्नको लागि तथा विद्यार्थीको उज्ज्वल भविष्यको लागि आन्दोलन मात्र एक विकल्प रहेको निष्कर्ष सहित आजपा को आज बसेको बैठकले मधेश प्रदेशको प्रत्येक जिल्लामा संघर्ष अगाड़ी बढ़ाउने निर्णय गरेको छ ।

आजपाको मधेस प्रदेश अध्यक्ष उमेश कुशवाहाको अध्यक्षतामा एवं पार्टीको वरिष्ठ उपाध्यक्ष उपेन्द्र साह लगायतका नेताहरुको उपस्थितिमा बसेको उक्त बैठकले संगठन बिस्तार लगायतका महत्वपुर्ण निर्णयहरु समेत गरेको जनाएको छ ।

अनुभबी शिक्षकलाइ बेवास्ता गर्दै स्वयम् सेवक शिक्षक भर्ना गर्न लागिएको प्रती वडा अध्यक्ष खरेलको आपत्ति

अनुभबी शिक्षकलाइ बेवास्ता गर्दै स्वयम् सेवक शिक्षक भर्ना गर्न लागिएको प्रती वडा अध्यक्ष खरेलको आपत्ति

स्पर्श खबर जितपुर बारा बैशाख १२ गते:

जितपुर सिमरा उपमहानगरपालिका वडा नम्बर १६ का अध्यक्ष हरिदेव खरेलले उपमहानगरपालिकाले स्वयम् सेवक शिक्षक भर्ना गर्न लागिएको प्रती आपत्ती जनाउनु भएको छ ।खरेलले कलेज अध्ययन गरिरहेका (स्नातक र स्नातकोत्तर ) विद्यार्थीहरुलाइ पढाई बिगार्ने गरि स्वयम् सेवक शिक्षक भर्ना छनौट बिज्ञापनको परीक्षा लिन लागेकोले एकपटक पनि कार्यपालिकामा छलफल तथा विषय नै प्रस्तुत नगराई लाखौं रकम हिनामिना गर्न लागिएको भन्दै सो खेल तुरुन्तै बन्द गरियोस भन्नु भएको छ ।लामो समय अध्यापन गराएका अनुभबी तर भर्खरै अवकाश पाएका २७ जना अस्थायी शिक्षकहरुलाइ बेवास्ता गरिएको प्रती पनि दुख ब्यक्त गर्नुभएको छ ।
उहाले आज सामाजिक सन्जालमा आफ्नो धारणा सार्वजनिक गर्दै यस्तो लेख्नु भएको छ ।

“जीतपुरसिमरा उपमहानगरपालिका भित्र रहेका हज्जारौं शैक्षिक बेरोजगार तथा भर्खरै अवकाश पाएका २७ जना अस्थायी शिक्षकहरुलाइ बेवास्ता गर्दै जबर्जस्ती कलेज अध्ययन गरिरहेका (स्नातक र स्नातकोत्तर ) विद्यार्थीहरुलाइ पढाई बिगार्ने गरि स्वयम् सेवक शिक्षक भर्ना छनौट बिज्ञापनको परीक्षा लिन लागेकोले एकपटक पनि कार्यपालिकामा छलफल तथा विषय नै प्रस्तुत नगराई लाखौं रकम हिनामिना गर्न लागिएको खेल तुरुन्तै बन्द गरियोस् ।यदि नगरको शिक्षा सुधार गर्न खोजिएको हो भने सार्वजनिक सूचना मार्फत शैक्षिक /बौद्धिक बेरोजगार बाट खुल्ला प्रतिस्पर्धा बाट माग गरि प्रतिस्पर्धामा छनौट गरि समस्याको समाधान सर्वपक्षीय छलफल बाट अघि बढन सुझाव दिन चाहान्छु।अन्यथा जनताको करलाई दुरुपयोग गर्ने जो कोहीले कारवाही भोग्नुपरेका कयौं नजीर हेर्दा राम्रो हुनेछ ।स्मरण रहोस् कार्यपालिकाको जानकारी बिना हाल सम्म १९ लाख खर्च भएको भन्ने सुनिएको छ।सतर्क हुन सम्पूर्ण नगर बासीमा अनुरोध गर्दछु “।

राजनीतिबाट मुक्त नगरेसम्म शिक्षा क्षेत्रको विकास हुँदैन : मन्त्री श्रेष्ठ

राजनीतिबाट मुक्त नगरेसम्म शिक्षा क्षेत्रको विकास हुँदैन : मन्त्री श्रेष्ठ

स्पर्श खबर जितपुर बारा बैशाख ४ गते:

शिक्षा विज्ञान तथा प्रविधिमन्त्री सुमना श्रेष्ठले विश्वविद्यालयलाई दलीय राजनीतिबाट मुक्त नगरेसम्म शिक्षा क्षेत्रको विकास हुन नसक्ने बताउनुभएको छ । मंगलवार सिंहदरबारस्थित मन्त्रालयमा प्राज्ञिक समूहसँगको भेटमा उहाँले यस्तो बताउनुभएको हो ।

मन्त्री श्रेष्ठले प्राज्ञिक समूहले र प्राध्यापक तथा कर्मचारीहरुले पनि सरकारी सेवामा रहुन्जेलसम्म राजनीतिक दलको सदस्य बन्दैनौँ भन्ने संकल्प गर्न आवश्यक रहेको बताउनुभयो । उहाँले प्राज्ञहरुको विज्ञता, अनुभवलाई आफूले सम्मान गर्दै सुझावहरु कार्यान्वयन गर्ने प्रतिवद्धता जनाउनु भयो ।

मन्त्री श्रेष्ठले शिक्षकहरु, कर्मचारीहरु राजनीतिक पार्टीको कुनै कार्यकारीमा बस्नु नहुने बताउनु भयो । उहाँले राजनीतिक नेतृत्वहरुसँग भेट्दा पनि राजनीतिक दलको सदस्यता दिन पाउनु हुन्न भनेर खबरदारी गर्न आवश्यक रहेको बताउनुभयो ।

‘दलीय राजनीति मुक्त शिक्षा क्षेत्र नभएसम्म यो अगाडि बढ्दैन । हजुरहरुको विज्ञता, अनुभव, नेटवर्क के हो भन्नेमा चाहियो । हाम्रो कानूनले स्पष्ट भन्छ । शिक्षकहरु, कर्मचारीहरु राजनीतिक पार्टीको कुनै कार्यकारीमा बस्नु हुँदैन भन्छ । राजनीतिक दलसम्बन्धी ऐनले सदस्यता नदिनु कर्मचारी र शिक्षकलाई भन्छ । ऐनमा नभएको होइन, गाह्रो हाउ पार्टमा भइरहेको छ । राजनीतिक दलका नेतृत्वहरुसँग भेट्दा उहाँहरुलाई राजनीतिक दलको सदस्यता दिन पाउनु हुन्न भनेर ऐनमै लेखेको कुरा भनिदिनुस् । कर्मचारी शिक्षकले राजनीतिक दलको सदस्य लिन सक्नुहुन्न ।’ मन्त्री श्रेष्ठले भन्नुभयो ।

मन्त्री श्रेष्ठले शिक्षा क्षेत्र शिक्षा मात्र नभइ समाजमा चेतना दिने क्षेत्र भएको बताउँदै शिक्षाले राम्रो नागरिक उत्पादन गर्ने बताउनुभयो ।

आजदेखि सुरु भयो विद्यार्थी भर्ना अभियान

आजदेखि सुरु भयो विद्यार्थी भर्ना अभियान

स्पर्श खबर जितपुर बारा बैशाख २ गते:

आजदेखि सुरु भयो विद्यार्थी भर्ना अभियान ।

सबै बालबालिकाको विद्यालयमा सहभागिता, गुणस्तरीय शिक्षा प्राप्तिको सुनिश्चितता’भन्ने नाराका साथ शैक्षिकसत्र-२०८१ का विद्यार्थी भर्ना अभियान आजदेखि देशभर सुरु भएको छ।

अभियानको पहिलो दिन आज शिक्षा, विज्ञान तथा प्रविधि मन्त्रालय मातहतका शिक्षा तथा मानवस्रोत विकास केन्द्रले अभियान सफल बनाउन स्थानीय तह र सम्बन्धित निकायलाई आग्रह गरेको छ।

शिक्षामन्त्री सुमना श्रेष्ठको उपस्थितिमा भर्चुअल माध्यमबाट अन्तक्र्रिया गरी केन्द्रले सबै स्थानीय तहका शिक्षा प्रमुख, इकाइ प्रमुख, नगरपालिका महासंघ, गाउँपालिका महासंघलाई आग्रह गरेको हो।

मन्त्री श्रेष्ठले शिक्षा पाउने नागरिकको संवैधानिक हक कार्यान्वयनका लागि सरकार प्रतिबद्ध भएकाले सबैले सहयोग गर्न आग्रह गरिन्। अभियानकै अवसरमा प्रधानमन्त्री पुष्पकमल दाहाल ‘प्रचण्ड’ ले शिक्षा पाउनु हरेक बालबालिकाको संविधानप्रदत्त एवं जन्मसिद्ध मौलिक अधिकार भएकाले यसलाई कार्यान्वयन गर्न आग्रह गरेका छन्।

केन्द्रले विद्यार्थी भर्ना अभियान सहजीकरण कार्ययोजना तयार गरी कार्यान्वयनका लागि तीनै तहका सम्बन्धित निकायमा पठाएको छ। केन्द्रका महानिर्देशक दीपक शर्माले विद्यालय व्यवस्थापन समिति र शिक्षक अभिभावक संघले भर्ना भएका विद्यार्थीलाई पाठ्यपुस्तक वितरण गरी विद्यार्थी भर्नाको शुभारम्भ गरिने जानकारी दिए।

यसैगरी यही वैशाख ५ गते अभियानको ब्यानरसहित घरदैलो कार्यक्रम, सूचना र आह्वान, वैशाख ७ गते अभिभावकविहीन बालबालिकाको अभिभावकत्व ग्रहणका लागि आह्वान गर्ने कार्यक्रम छ। अभियानअन्तर्गत यही वैशाख २ देखि २१ गतेसम्म एफएम रेडियोबाट अभियानको सन्देश प्रसारण गराइनेछ। वैशाख १० गतेसम्म भर्ना भएका विद्यार्थीलाई सोही दिन पोसाक र छात्रवृत्ति वितरण गरिनेछ।

वैशाख १५ देखि २० गतेसम्म शिक्षा विकास तथा समन्वय इकाइबाट प्राप्त विवरणका आधारमा विद्यार्थी विवरण तयार गरी मन्त्रालयमा पठाइने छ। अधिकांश निजी लगानीका विद्यालयले वैशाखको पहिलो सातादेखि कक्षा सञ्चालन हुने गरी भर्ना प्रक्रिया सुरु गरिसकेका छन्।

केन्द्रको ‘फ्ल्यास रिपोर्ट, २०७९’ अनुसार हाल पूर्व प्राथमिक तहको कूल भर्नादर ९४ दशमलव ९ प्रतिशत पुगेको छ। -रासस

जीतपुरसिमरा नगर कमिटिको अध्यक्षमा अनिल तिवारी सर्वसम्मत चयन

 जीतपुरसिमरा नगर कमिटिको अध्यक्षमा अनिल तिवारी सर्वसम्मत चयन

मनाेज शाह जितपुर   बारा चैत ४ गते: राष्ट्रिय निजी तथा आवासीय विद्यालय एशोसिएसन नेपाल (एन प्याब्सन) जीतपुरसिमरा नगर कमिटि अध्यक्षमा अनिल तिवारी चयन भएका छन् । एन प्याब्सन नेपालका केन्द्रिय सदस्य राम प्रसाद अधिकारीको संयोजकत्व र एन प्याब्सन बारा जिल्ला उपाध्यक्ष सुबोध गुप्ताको नेतृत्वमा एन प्याब्सन जीतपुरसिमरा नगर कमिटि गठन गरिएको हो ।
शनिवार गठन गरिएको एन प्याब्सन जीतपुरसिमरा नगर कमिटिको अध्यक्षमा डुमरवाना पब्लिक स्कूल रजघट्टाको संचालक अनिल तिवारी सर्वसम्मत चयन भएका हुन् ।

 

नयाँ कार्यसमितिको उपाध्यक्षमा दिपेन्द्र कुमार साह, सचिवमा सरोज चन्द्र कार्की,कोषाध्यक्षमा नरेन्द्र तामाङ्ग, सदस्यमा गौतम चौधरी, मधुसुदन चौधरी चयन भएका छन् ।कार्यक्रममा बोल्दै एन प्याब्सनका केन्द्रिय सदस्य राम प्रसाद अधिकारीले चयन भएका पदाधिकारीलाई बधाई तथा शुभकामना दिएका थिए । निजी विद्यालयको पक्षमा वकालत गर्न एन प्याब्सन केन्द्रिय कार्यसमिति निरन्तर सरकार तथा सरोकारवाला निकायसंग छलफलमा रहेका समेत अधिकारीले बताए ।

अध्यक्षमा सर्वसम्मत चयन गरेकोमा एन प्याब्सन जीतपुरसिमरा नगर कमिटिका अध्यक्ष अनिल तिवारीले धन्यावाद ज्ञापन गरेको थियो ।उक्त कार्यसमिति गतह्न कार्यक्रममा एन प्याब्सन बाराका कोषाध्यक्ष मदन रिजाल, स-सचिव राम बहादुर चौधरी, पूर्व प्रदेश सदस्य सुन्दर ढकाल लगायत जीतपुरसिमरा उपमहानगर भित्र रहेका बिभिन्न निजि बिद्यालयका शिक्षकहरुको उपस्थिति रहेको थियो ।