गृहमन्त्री गुरुङद्वारा बुढीगण्डकीको फिल्ड कार्यालयमा कडा अनुगमन, आयोजनाको अवस्था र कामबारे लिए जानकारी
गोरखा भदौ १ गते:
गृहमन्त्री सुधन गुरुङले बुढीगण्डकी जलविद्युत् कम्पनी लिमिटेडको फिल्ड कार्यालयमा पुगेर आयोजना र कार्यालयबाट भइरहेका गतिविधिबारे स्थलगत जानकारी लिनुभएको छ।
गण्डकी गाउँपालिका–१, भिम्चुलिनारस्थित फिल्ड कार्यालयमा पुग्नुभएका मन्त्री गुरुङले सम्बन्धित अधिकारीहरूसँग प्रत्यक्ष छलफल गर्दै आयोजनाको वर्तमान अवस्था, कार्यालयका गतिविधि तथा स्थानीयस्तरमा देखिएका विषयबारे जानकारी लिनुभएको हो।
अनुगमनका क्रममा गृहमन्त्री गुरुङले आयोजनासँग जोडिएका विषयलाई स्थलगत रूपमै बुझ्दै कार्यालयबाट भइरहेको कामको अवस्थाबारे चासो राख्नुभएको थियो। उहाँले आयोजना कार्यान्वयनका क्रममा देखिएका समस्या, स्थानीयस्तरका विषय तथा सम्बन्धित निकायबीचको समन्वयबारे समेत जानकारी लिनुभएको बताइएको छ।
मन्त्री गुरुङको फिल्ड कार्यालय निरीक्षणलाई बुढीगण्डकी आयोजनाको प्रगति र स्थानीय सरोकारका विषयलाई नजिकबाट बुझ्ने प्रयासका रूपमा हेरिएको छ। आयोजना निर्माणसँग जोडिएका विषयमा सरकारको प्रत्यक्ष चासो बढिरहेका बेला भएको यो स्थलगत अनुगमनलाई अर्थपूर्ण रूपमा लिइएको छ।