बिरगंजका युवाहरूले शिक्षा मन्त्री महाबीर पुनसँग भेट गरी शिक्षा सुधारका विषयमा ज्ञापनपत्र बुझाए
स्पर्श खबर जितपुर बारा कार्तिक १४ गते । नेपालका शिक्षा, विज्ञान तथा प्रविधि मन्त्री महाबीर पुनसँग आज पर्सा जिल्लाकाे बिरगंजका युवाहरूले भेटघाट गर्दै देशको शिक्षा सुधारका विषयमा ज्ञापनपत्र बुझाए ।
भेटका क्रममा युवाहरूले मधेश प्रदेशमा शिक्षाको गुणस्तर सुधार, Research & Development केन्द्र स्थापना, पुस्तकालय व्यवस्थापनको सुदृढीकरण तथा राष्ट्रिय शिक्षा प्रणालीमा देखिएका समस्या र चुनौतीबारे ध्यानाकर्षण गराएका थिए।
युवाहरूले मन्त्री पुनलाई ज्ञापनपत्र बुझाउँदै मधेश प्रदेशका शैक्षिक संस्था, विद्यार्थी र शिक्षकमाझ देखिएका समस्याहरू समाधानका लागि ठोस कदम चाल्न आग्रह गरेका छन्।
मन्त्री पुनले युवाहरूका सुझावहरू ध्यानपूर्वक सुनेर सरकारका तर्फबाट आवश्यक पहल गर्ने आश्वासन दिएका छन्। उनका अनुसार युवाको सुझाव र सहभागिता बिना शिक्षा क्षेत्रमा दीगो सुधार सम्भव छैन।
