स्पर्श खबर जितपुर बारा फाल्गुन १५ गते:
स्थापनाको ४३ औं बार्षिकोत्सवको अवसरमा नेपाल मगर संघ निजगढले आज निजगढमा विभिन्न कार्यक्रम आयोजना गर्ने भएको छ ।
नेपाल मगर संघ निजगढ समितिका अध्यक्ष बाबुराम थापामगरले स्थापना दिवसको अवसरमा निजगढमा साँझी सहित सद्भाव र्याली र शुभकामना आदानप्रदान तथा चियापान कार्यक्रमको आयोजना गर्न लागिएको जानकारी दिए ।उनले निजगढ ७ स्थित लखन टोलबाट आज बिहान परम्परागत भेषभुषा र झाँकीसहितको र्याली निकालेर पूर्वपश्चिम लोकमार्गको बुद्ध चोक परिक्रममा पछि फेरि लखनटोलमा फर्किएर शुभकामना आदानप्रदान र चियापन कार्यक्रम गरिने बताए ।
मगर संघले हरेक वर्ष फागुन १५ गतेलाई स्थापना दिवसको रुपमा मनाउदैआएको छ ।
