सामाज

पर्सामा हुण्डी कारोबारमा संलग्न एक व्यक्ति पक्राउ : नगदसहित १९ थान चेकबुक बरामद

मनोज शाह, जीतपुर बारा, चैत्र ५ गते

पर्साको वीरगंज महानगरपालिका वडा नं. १६ दुर्गाहल पछाडिको गल्ली सडकखण्डबाट एकजना व्यक्तिलाई प्रहरीले पक्राउ गरेको छ । गत आइतबार विशेष सूचनाको आधारमा दिउँसो २:३० बजेको समयमा वीरगंज महानगरपालिका वडा नं. १६ दुर्गाहल पछाडिको गल्ली सडकखण्डमा शंकास्पदरुपमा हिँडिरहेको व्यक्तिलाई प्रहरीले रोकेर कानुनी रीत पुर्‍याई खानतलासी गर्दा सो व्यक्तिले बोकेको झोलामा लुकाईछिपाई राखेको स्रोत नखुलेको रकम तथा चेकबुक बरामद भएपछि पक्राउ गरिएको प्रहरीले स्पर्श खबरलाई जानकारी दिएका छन् । पक्राउ पर्नेमा धनुषा जिल्लाको गणेशमान चारनाथ नगरपालिका वडा नं. ६ घर भई हाल पर्साको वीरगंज महानगरपालिका अन्तर्गत वडा नं. १६ बस्ने वर्ष ५० को रामबाबु साह कलवार रहेको प्रहरीले जनाएको छ ।

रामबाबु साह कलवारबाट प्रहरीले नेपाली रु. १००० दरका ३३५ थान नोट, रु. ५०० दरका ६८२ थान नोटसहित जम्मा ६,८२,००० ।-(छ लाख बयासी हजार) नेपाली रुपियाँ बरामद गरेको छ भने भारतीय प्रतिबन्धित रु.५०० दरका ५६ थान नोट गरी जम्मा भारतीय रुपियाँ २८,०००।- (अठाइस हजार) बरामद भएको पर्साका प्रहरी नायब उपरीक्षक विक्रम थापाले स्पर्श खबरलाई जानकारी दिएका छन् ।

पक्राउ परेका रामबाबु साह कलवारबाट प्रहरीले विभिन्न बैंकहरुको १९ थान चेकबुकहरु समेत बरामद गरेको छ । कलवारबाट कृषि विकास बैंकको २ थान चेकबुक, माछापुच्छ्रे बैंकको २ थान, सानिमा बैंकको ५ थान, NIMB बैंकको २ थान, मुक्तिनाथ विकास बैंकको २ थान, ग्लोबल बैंकको ३ थान, प्राइम बैंकको २ थान तथा मेघा बैंकको २ थान चेकबुक गरि जम्मा १९ थान चेकबुक बरामद गरिएको प्रहरीले जनाएको छ । ती व्यक्तिबाट २ थान मोबाइलसमेत बरामद भएको छ । पक्राउ परेका रामबाबु साह कलवारलाई बैंक तथा वित्तीय संस्था सम्बन्धी ऐन, २०७३ विरुद्धको कसूरमा थप अनुसन्धान कार्य भइरहेको पर्साका प्रहरी नायब उपरीक्षक कुमार विक्रम थापाले स्पर्श खबरलाई जानकारी दिएका छन् ।

चुरे तथा वन जंगल संरक्षण अभियान द्वारा चिनियाँ विरुद्ध विरोध प्रर्दशन
पवन साह बिरगंज चैत ४ गते:
चिनियाँ कम्पनीले विकासको नाममा मधेसको लाईफ लाईनमा सिरहा सप्तरी जिल्लाको महेन्द्र राजमार्ग बनाउने बहानामा नियमित हिसाबले चुरे पहाडको विनाश गर्दै आईरहेकाले आज वीरगंजमा चुरे तथा वन जंगल संरक्षण अभियान द्वारा चिनियाँ कम्पनी विरुद्ध विभिन्न नाराका साथ विरोध प्रर्दशन गरेका
छन ।
चिनियाँ हस्तक्षेप बन्द गर, बिआरआई परियोजना खारिज गर, नेपाल माथिको अनावश्यक चिनियाँ हस्तक्षेप बन्द गर, राष्ट्रिय स्वधिनता कायम गर भन्ने विभिन्न नाराका साथ जुलुस निकाली नगर परिक्रमा गरी घण्टाघरमा कोण सभामा परिणत भएको थियो ।
सो विरोध प्रर्दशनमा चुरे तथा वन जंगल संरक्षण अभियानका संयोजक सुनिल यादवले चुरेलाई उत्खन्न गरी विनाश गर्दै आईरहेको, जस्तै अनावश्यक रुपमा पोखरा अन्तराष्ट्रिय विमानस्थल बनाई प्रत्येक नेपाली माथि जबरजस्ती ऋण थुपारेको, चिनियाँ राणनितिक तथा विकासको नाममा भुमरीको जालोमा फस्दाउँदै आएको र केही दिन अगाडि सिराहा भिडिजन वन कार्यालयले अवैध रुपमा उत्खन्न गर्दै आएका चिनियाँ कम्पनी (श्री चाईना रेल वे नं. २ इन्जिनियरिङ्ग ग्रुप कम्पनी लि. काठमाण्डौका स्काभेटर, टिपर तथा चिनियाँ नागरिक पक्राउ गरी जिल्ला अदालत सिराहाले मुद्दा चलाएको छ । सो मद्धा विचाराधिन रहेको र तराई मधेसमा चिनियाँ विस्तारवादी विरुद्ध हाम्रो सदैव अभियान जारी राख्ने र मधेशलाई मरुभुमि हुनबाट जोगाउन सम्पूर्ण मधेसी तथा नेपाली दाजुभाई एकजुट भई विकासको नाममा विनाश गर्दै आएका चिनियाँ र चिनियाँ कम्पनी विरुद्ध विरोध गर्न आग्रह गर्दै आफ्नो मन्तव्य राखेको थिए ।
त्यस्तै अभियानका अभियान्ता चन्द्र प्रकाश सुवेदीले चिनियाँ विस्तारवाद र चिनले विभिन्न चरणमा नेपाली भूमि मिच्दै आएको र चिनियाँ कम्पनी द्वारा देशको विभिन्न ठाउँमा विकासको नाममा विनाश गर्दै आएको जस्तै नारायणगढ–बुटवल सडक खण्ड, पोखरा अन्तराष्ट्रिय विमान स्थल, महेन्द्र राजमार्ग विकासको नाममा चुरे दोहन लगायत बारे आफ्नो भनाई राखेको थिए ।
सो कार्यक्रममा अभियानका अभियान्ताहरु पुनदेव चौधरी, सुनिल भान्जा, चित्रलेखा चौधरी, सुनिल कुशवाहा, सुभाष यादव र पार्वती नेपाल लगायत विभिन्न पार्टीका नेता तथा कार्यकर्ता, विधार्थी तथा समाजसेवीको उपस्थिती रहेको थियो ।

जितपुर शान्तिटाेल खेलमैदानमा भब्य अष्ट्यामा हुने
मनाेज शाह जितपुर बारा चैत ४ गते:
शान्ति युवा बिकास मञ्च जितपुरकाे आयाेजनामा हरेक वर्षझै यश वर्ष पनि अष्ट्यामा हुने भएको छ । जितपुरसिमरा उपमहानगरपालिका वडा ७ जितपुरमा दुई वर्ष देखि भब्य रुपमा सफलताका साथ आयाेजना गरिएको छ ।धुमधामका साथ सम्पूर्ण जितपुरबासीकाे सहभागिता रहने अष्ट्यामा पुजाका लागि शान्ति युवा बिकास मञ्च जितपुर अन्तर्गत रहनेगरी उपसमिति चयन गरिएको छ ।धर्मैन्द्र सहनी अध्यक्ष रहनेगरी बनेको अष्ट्यामा उपसमितिमा १३ सदस्यीय समिति गठन गरिएको छ

परवानीपुर गाउँ कार्यपालिकाको न्यायिक समितिमा जम्मा २७ ओटा मात्रै मुद्दा  दर्ता

मनोज कुमार शाह, जीतपुर बारा, चैत्र 3 गते

बाराको परवानीपुर गाउँपालिका अन्तर्गतको गाउँ कार्यपालिकाको न्यायिक समितिको कार्यालयमा आ.व. ७९/८० मा कुल ११ ओटा मात्रै मुद्दाहरु दर्ता भएको त्यहाँका न्यायिक समिति सचिवालय सदस्य राम कुमार सोनलले स्पर्श खबरलाई जानकारी दिएका छन् । आ.व.७९/८० मा दर्ता भएका ११ ओटा मुद्दाहरुमध्ये सबै मुद्दाहरु जग्गा विवादसम्बन्धी रहेको र ती मध्ये ५ ओटा मात्रै मुद्दाको टुङ्गो लागेको तथा ६ ओटा मुद्दाहरु फर्छ्यौट हुन बाँकी रहेको परवानीपुर गाउँपालिकाको उपाध्यक्ष एवम् न्यायिक समितिको संयोजक सुगन्धी देवी कनुइनले स्पर्श खबरलाई जानकारी दिनुभयो ।

यसैगरी आ.व. ८०/८१ मा १६ ओटा मात्रै मुद्दाहरु दर्ता भएको र ती सबै जग्गासम्बन्धी मुद्दा रहेको त्यहाँका न्यायिक समितिको संयोजक तथा परवानीपुर गाउँपालिकाको उपाध्यक्ष सुगन्धी देवी कनुइनले जानकारी दिनुभयो । दर्ता भएका १६ ओटा मुद्दाहरुमध्ये २ ओटा मुद्दाहरु मात्रै टुङ्गो लागेको तथा १४ ओटा मुद्दाहरु अझै फर्छ्यौट हुन बाँकी रहेको उहाँले जानकारी दिनुभयो । आ.व.७९/८० देखि ८०/८१ भित्र कुल २७ ओटा मुद्दाहरु मात्रै दर्ता भएको र सबै मुद्दाहरु जग्गा विवादसम्बन्धी रहेको परवानीपुर गाउँपालिकाको उपाध्यक्षले स्पर्श खबरलाई जानकारी दिनुभएको छ ।