४८१ मतमै मिया, जमानत जफत
मनोज साह जितपुर बारा फागुन २५ गते:
बारा जिल्ला निर्वाचन क्षेत्र नम्बर ४ मा प्रतिनिधिसभा सदस्यका उम्मेदवार बनेका राष्ट्रिय निर्माण दलका केन्द्रीय अध्यक्ष समिम मियाले जम्मा ४८१ मत प्राप्त गरेका छन्। अत्यन्त न्यून मत पाएपछि उनको जमानत जफत भएको छ।
निर्वाचन परिणामअनुसार समिम मिया अपेक्षित समर्थन जुटाउन नसक्दा प्रतिस्पर्धामा निकै पछाडि परेका हुन्। कुल सदर मतको आवश्यक प्रतिशत प्राप्त गर्न नसकेपछि उनको जमानत जफत भएको निर्वाचन अधिकृतको कार्यालयले जनाएको छ।
यस क्षेत्रमा अन्य प्रमुख दलका उम्मेदवारहरूबीच कडा प्रतिस्पर्धा भइरहँदा राष्ट्रिय निर्माण दलका अध्यक्ष समिमिया भने न्यून मतमै सीमित भएका छन्।