होलीको अवसरमा जीतपुरसिमरा उपमहानगरपालिकामा शान्तिसुरक्षामा कडाई : दिनभरि जनजीवन सामान्य
मनोज शाह, जीतपुर बारा, चैत्र १२ गते
जीतपुरसिमरा उपमहानगरपालिका अन्तर्गतको ईलाका प्रहरी कार्यालय सिमराका प्रहरी निरीक्षक रविभूषण यादवको कमाण्डमा खटिएको प्रहरी टोलीको अथक मिहिनेत तथा निगरानीका फलस्वरूप आज होली पर्वको दिन जीतपुरसिमरा उपमहानगरपालिका क्षेत्रभरि अवस्था सामान्य एवम् शान्तिपूर्ण रहयो । हिन्दुहरुको महान पर्व होलीमा कहीँकतै कुनै प्रकारको अप्रिय घटना हुन नदिन जीतपुरसिमरा उपमहानगरपालिकाभरि ठाउँ ठाउँमा प्रहरी प्रशासन खटिएका थिए ।
होली पर्वमा केही उच्छृङ्खल प्रवृत्तिका मानिसहरुले जाँडरक्सी खाएर होहल्ला गर्ने, लडाइँ झगडा गर्ने र सामाजिक सद्भावलाई खल्बल्याउने सम्भावना हुने भएकाले यस्तो चुनौतीपूर्ण समयमा समाजमा शान्ति सुरक्षा कायम राख्न प्रहरी प्रशासनको भूमिका महत्त्वपूर्ण रहने हुँदा सतर्कतापूर्वक शान्तिसुरक्षामा कडाई गरिएको ईलाका प्रहरी कार्यालय सिमराका ईन्स्पेक्टर रविभूषण यादवले स्पर्श खबरलाई जानकारी दिनुभयो ।
आज जीतपुरसिमरा उपमहानगरपालिकाको वडा नं.७ जीतपुरलगायत यस नगरभरि नै दिनभरि कहीँकतै कुनै अप्रिय घटना नघटेको र अवस्था शान्तिपूर्ण तथा सामान्य रहेको कुरा ईलाका प्रहरी कार्यालय सिमराका प्रहरी निरीक्षक रविभूषण यादवले स्पर्श खबरलाई जानकारी दिनुभयो । जीतपुरसिमरा उपमहानगरपालिका अन्तर्गतको ईलाका प्रहरी कार्यालय सिमराका प्रहरी निरीक्षक रविभूषण यादवको कमाण्डमा खटिएको प्रहरी टोलीको अथक मिहिनेत तथा निगरानीका फलस्वरूप यसपटकको होली पर्व राम्रोसँग शान्तिपूर्ण ढङ्गले सम्पन्न भएको जीतपुर युवा क्लबका अध्यक्ष भुनेस पासवानले स्पर्श खबरलाई जानकारी दिएका छन् ।
