बागमतीको मुख्यमन्त्रीमा किरण थापामगर नियुक्त, शपथको तयारी
हेटौँडा भदौ ४ गते : बागमती प्रदेशको नयाँ मुख्यमन्त्रीमा नेकपा (एमाले) का प्रदेशसभा सदस्य किरण थापामगर नियुक्त भएका छन्। प्रदेश प्रमुख दीपकप्रसाद देवकोटाले बिहीबार थापामगरलाई मुख्यमन्त्रीमा नियुक्त गरेका हुन्।
नयाँ सरकार गठनका लागि थापामगरले एमालेका २५, नेकपाका २६ र राष्ट्रिय प्रजातन्त्र पार्टी (राप्रपा)का १२ गरी ६३ प्रदेशसभा सदस्यको समर्थनसहित दाबी पेस गरेका थिए। बागमती प्रदेशसभामा सरकार गठनका लागि आवश्यक बहुमतभन्दा बढी समर्थन देखिएपछि प्रदेश प्रमुखले उनलाई मुख्यमन्त्री नियुक्त गरेका हुन्।
मुख्यमन्त्रीमा नियुक्त भएसँगै थापामगरको पद तथा गोपनीयताको शपथ ग्रहणको तयारी भइरहेको छ। प्रदेश प्रमुखको कार्यालयले पनि शपथ ग्रहण समारोहसम्बन्धी सूचना सार्वजनिक गरेको छ।
एमाले नेतृत्वमा बनेको नयाँ सरकारसँगै बागमती प्रदेशको राजनीतिक समीकरणसमेत फेरिएको छ। अब मुख्यमन्त्री थापामगरसामु प्रदेश सरकारलाई स्थायित्व दिने, सत्ता साझेदार दलबीच समन्वय कायम गर्ने तथा जनताका अपेक्षा सम्बोधन गर्ने चुनौती रहेको छ।
