विश्व प्रसिद्ध गढीमाई मन्दिरमा तीनजना सिक्री चोर पक्राउ
मनाेज शाह जितपुर बारा कार्तिक १८ गते
बारा जिल्लामा अवस्थित विश्व प्रसिद्ध गढीमाई मन्दिरमा पाँचवर्षीय मेला लाग्ने गर्दछ । सो मेलाको अवधिभरि सुरक्षा व्यवस्था चु्स्तदुरुस्त राख्नु अत्यन्तै चुनौतीपूर्ण कार्य हो । विश्व प्रसिद्ध गढीमाई मन्दिरमा तीनजना युवक सिक्री चोरी गर्ने क्रममा पक्राउ परेका छन् । पक्राउ परेकाहरुले दर्शालु भक्तजनहरुको गरगहना चोरी गरेका थिए । मन्दिरमा पूजा तथा दर्शन गर्न आएका मानिसहरुको सिक्री चोरी गर्ने तीनै जना युवाहरुलाई प्रहरीले समातेको छ। पक्राउ परेका तीनैजनालाई समातेर प्रहरीले अनुसन्धान अगाडि बढाएको छ ।
सिक्री चोर्ने कार्यमा पक्राउ पर्नेमा बिरगंज उपमहानगरपालिका वडा नं १६ मा बस्ने शम्भु राय यादव , वडा नं २० मा बस्ने संन्दिप राय यादव र पकाहा मैनपुर वडा नं.५ मा बस्ने पवन यादव रहेको बारा प्रहरीले जनाएको छ ।
