जीतपुरसिमर उ.म.न.पा. को छातापिपरामा रहेको गढीमाई मन्दिरमा लाग्ने मेलाको तयारी तीव्र, रोशन चौधरीको अध्यक्षतामा श्री गढीमाई मेला समिति गठन
रन्जित चौधरी, जीतपुर बारा, असोज ३ गते :
बाराको जीतपुरसिमरा उपमहानगरपालिका ९ छातापिपरामा रहेको गढीमाई मन्दिरमा लाग्ने दशैं मेलाको तयारी तीव्र पारिएको छ । यस गढीमाई मेलालाई मर्यादित र व्यवस्थितरुपमा सम्पन्न पार्नका लागि रोशन चौधरीको अध्यक्षतामा श्री गढीमाई मेला समितिसमेत गठन गरिएको छ ।
नेपालीहरुले महान् चाडको रुपमा दशैंलाई बडो धुमधामका साथ मनाउने गर्दछन् । दशैंको घटस्थापनाको दिनदेखि महानवमीसम्म गढीमाई मन्दिरमा भक्तजनको ठूलो भीड लाग्ने गर्दछ भने यहाँ दशैं अवधिभर मेलासमेत लाग्दछ । धुमधामका साथ लाग्ने गरेको दशैं मेलालाई व्यवस्थित बनाउन यसबर्ष पनि विभिन्न समितिहरु ग्ठन गरी तयारी अघि बढाइएको गढीमाई मेला व्यवस्थापन समितिले जनाएको छ ।
समितिका अध्यक्ष रोशन चौधरीको नेतृत्वमा दशैं मेलाको तयारी शुरु भएको छ । समितिका कोषाध्यक्ष कृष्ण चौधरीका अनुसार असोज १७ गते घटस्थापनाका दिनबाट शुरु हुने मेलामा असोज २४ गते खिर भोेजन गराउने र असोज २५ गते महानवमीका दिन बली पुजाको आयोजना गरिनेछ ।
मेलालाई व्यवस्थित रुपमा सम्पन्न पार्नका लागि आवस्यक सहयोग गरिदिन समितिले स्थानीयबासी एवं सरोकारवाला निकायसंग अनुरोध समेत गरेको छ ।
