बकुलिया भवानीपुर गोल्ड कपः विरगञ्ज स्तब्ध, सर्लाही सेमिफाइनलमा प्रबेश
[contact-form][contact-field label=”Name” type=”name” required=”true” /][contact-field label=”Email” type=”email” required=”true” /][contact-field label=”Website” type=”url” /][contact-field label=”Message” type=”textarea” /][/contact-form]
्मनाेज शाह जितपुर बारा चैत्र १७ गते ।
बाराको बकुलियामा संचालन भैरहेको पाँचौ बकुलिया भवानीपुर गोल्ड कप २०८० मा एभरेष्ट फुटबल एकेडेमी सर्लाही विजयी भएको छ । विरगञ्ज युनाइटेड पर्सालाई स्तब्ध पार्दै सर्लाही प्रतियोगिताको सेमिफाईनलमा प्रवेश गरेको हो ।
विरगञ्जलाई स्तब्ध पार्दै सेमिफाईनलको यात्रा तय गर्ने क्रममा सर्लाहीले ३–१ को जीत निकालेको थियो । सर्लाहीको जीतमा जर्सि नम्बर ८ का खेलाडी रोहित गोलेले पेनाल्टि प्रहारमा १ गोल, जर्सि नम्बर १४ का खेलाडी अमित गौतम र जर्सि नम्बर १० का खेलाडी समिर राईले समान एक एक गोल गरे । विरगञ्जको तर्फबाट फ्रि किकलाई सदुपयोग गर्दै जर्सि नम्बर २४ का खेलाडी बिकि चौधरीले एक गोल फर्काएका थिए ।
खेलको पहिलो हापको २८ औँ मिनेटमा विरगञ्जका संजय चौधरीले डिबक्स भित्र सर्लाहीका अनिल मगरलाई फल गर्न पुगेका थिए । डिबक्स भित्रको फल भए पछि पेनाल्टी सुटको अवसर पाएको सर्लाहीले अवसरलाई गोलमा परिणत गर्यो । सर्लाहीको तर्फ बाटै दोस्रो हापको ४औँ मिनेटमा अमित गौतमले डिबक्स भित्रबाट गोल प्रहार गरेका थिए । खेलको अन्तिम समयमा अनिल मगरले दिएको पासलाई समिर राई उतकृष्ट गोल गर्दै आफ्नो टिमलाई ३–१ को अग्रता दिलाएका थिए ।
जन जनकल्याकारी क्लबको आयोजनामा जीतपुरसिमरा उपमहानगरपालिका वडा नम्बर ५ स्थित रहेको बकुलिया भवानीपुर फिल्डमा भएको खेलको मैन अफ दि मेच सर्लाहीका समिर राई घोषित भए । मैन अफ दि मेचको पुरस्कार स्वरुप उनले रु २१ सय नगद र सिल्ड प्राप्त गरे ।
पाँचौ बकुलिया भवानीपुर गोल्ड कप २०८० प्रतियोगिताको दोस्रो खेलको प्रमुख अतिथि जीतपुरसिमरा उपमहानगरपालिका वडा नम्बर ५ का वडा अध्यक्ष दिपेन्द्र चौधरी रहनु भएको थियो ।
जन कल्याणकारी क्लब बकुलिया भवानीपुरको आयोजनामा चैत्र १६ गते देखि सुरु भएको प्रतियोगिता चैत्र २३ गते सम्म संचालन हुने छ । प्रतियोगिताको विजेताले नगद रु २ लाख र उपविजेताले नगद रु १ लाख प्राप्त गर्नेछन् ।
