हिन्दु स्वयंसेवक संघ नेपालद्वारा शुभकामना आदानप्रदान कार्यक्रमको आयोजना
मनोज शाह, जीतपुर बारा, चैत्र ११ गते
हिन्दु स्वयंसेवक संघ नेपाल, जीतपुरसिमरा उमनपा नगर कार्य समिति एवम् समस्त संघ परिवारले आज होली मिलन तथा शुभकामना आदानप्रदान कार्यक्रमको आयोजना गरेको छ । आज आइतबार बिहान १० बजेदेखि जीतपुरसिमरा उपमहानगरपालिकाको वडा नं.७ जीतपुरको शान्तिटोलमा अवस्थित खेलमैदानमा प्रारम्भ भएको उक्त कार्यक्रममा स्थानीय युवा, बालबालिका, बुद्धिजीवी तथा समाजसेवीहरुको सहभागिता रहेको थियो ।
सहभागीहरुले विभिन्न प्रकारका मनोरञ्जनात्मक क्रियाकलापहरु गरी अन्त्यमा रङ्ग, अबीर लगाउँदै सभ्यताका साथ हिन्दुहरुको महान् पर्व होलीको शुभकामना आदानप्रदान गरेका थिए ।
