श्रीमानद्वारा श्रीमतीको हत्यापछि आत्महत्या
मनोज शाह, जीतपुर बारा, चैत्र ७ गते
मोरङको बेलबारी नगरपालिका वडा नं.१ भेडा टोलमा घर भएका ६० वर्षीय बमबहादुर लिम्बूले ४५ वर्षीय आफनै श्रीमती गीता लिम्बूको हत्या गरेपछि आत्महत्या गरेको मोरङ प्रहरीले जनाएको छ।
मोरङ प्रहरीका प्रवक्ता डीएसपी रन्जनकुमार दाहालका अनुसार मङ्गलबार राति करिब १ बजेतिर बमबहादुर लिम्बुले यो घटना घटाएको जनाएका छन् । डीएसपी दाहालका अनुसार बमबहादुर लिम्बुले आफ्नी श्रीमतीमाथि धारिलो हतियार प्रहार गरेर हत्या गरेलगत्तै सोही हतियारले आफ्नो घाँटी रेटेर आत्महत्या गर्ने प्रयास गरेका थिए । घाइते अवस्थामा फेला परेका बमबहादुर लिम्बूको नोबेल मेडिकल अस्पतालमा उपचारको क्रममा मृत्यु भएको प्रहरीले जनाएको छ ।
दोस्रो विवाह गरेका बमबहादुर र गीताका एक ८ वर्षीय छोरा पनि रहेको र बमबहादुरले छोरामाथि समेत आक्रमण गर्न खोजेपछि छोराले भागेर ज्यान जोगाएको प्रहरीको प्रारम्भिक अनुसन्धानबाट खुलेको छ । घटनाको कारण अहिले नखुलेको र घटनाको विषयमा थप अनुसन्धान सुरु गरिएको पनि डीएसपी दाहालले बताए
