बिल बिजक भन्दा बढी विभिन्न किसिमका कपडा तथा किताबहरू लोड रहेका ट्रकहरू पक्राउ

सेयर गर्नुहोस्

बिल बिजक भन्दा बढी विभिन्न किसिमका कपडा तथा किताबहरू लोड रहेका ट्रकहरू पक्राउ

 

मनाेज शाह जितपुर बारा फागुन २० गते:

पर्सामा बिल बिजकभन्दा बढी सामग्री बोकेको मालवाहक ट्रक तथा पिक अप पक्राउ परेको छ । मिति २०८०।११।१८ गते १७:३० बजे बिल विजक भन्दा बढी विभिन्न किसिमका लत्ताकपडा तथा किताबहरू बोकेको माल बाहक पिकअप तथा ट्रक ICP बाट काठमाण्डौतर्फ जाँदै गरेको छ भन्ने गोप्य सूचनाको आधारमा पर्सा जिल्लाको वीरगञ्ज महानगरपालिका वडा नं.२५ चण्डाल चोक स्थित सडकखण्डमा चेकजाँच गर्ने क्रममा पक्राउ परेको हो ।

 

गैरकानुनी ढङ्गले बिल बिजकभन्दा बढी सरसामान बोकेको BR22GA 4916 नम्बरको पिकअप र ना.४ ख ९८७ नम्बरको मिनी ट्रकलाई रोकी जाँच गर्ने क्रममा विल विजकभन्दा बढीका किताब तथा विभिन्न किसिमका लत्ताकपडाहरू रहेको तथा सो विल बिजक शंकास्पद देखिएको हुँदा अ.मु.रू.१,४२,७८,१२०।- ( एक करोड बयालीस लाख अठहत्तर हजार एक सय बीस ) बराबरको किताब तथा कपडाहरू प्रहरीले नियन्त्रणमा लिएको छ । थप अनुसन्धान तथा आवश्यक कारवाहीको लागि मिति २०८०।११।२० गते सम्पूर्ण सामग्रीसहित ट्रक र पिक अपलाई राजश्व अनुसन्धान कार्यालय पथलैया, बारामा बुझाइएको प्रहरीले जनाएको छ ।