जितपुरसिमरा कार्यालयको दुई तले भवनको उद्घाटन
मनोज शाह जितपुर मंसिर १ गते
जितपुरसिमरा उपमहानगरपालिकाको वडा नम्बर १० को वडा कार्यालय अब नव निर्मित भवनबाट सञ्चालनमा आएको छ। नवनिर्मित भवनको पूर्वमन्त्री किसान श्रेष्ठ प्रदेश सभा सदस्य देवनारायण चौधरी नगर प्रमुख राजन पौडेल र उपप्रमुख भाेला प्रसाद अधिकारी सिलपत्र अनवरण सहित रिबिन काटेर उद्घाटन गरेका छन्। उक्त वडा कार्यालय भवन जितपुरसिमरा उपमहानगरपालिकाको १ करोड रुपैयाँको लागतमा निर्माण गरिएको वडा अध्यक्ष सजय पटेलले जानकारी दिएका छन्। जितपुरसिमरा उपमहानगरपालिका वडा नम्बर १० को वडा कार्यालय भवन सञ्चालन आएपछि स्थानीयहरू खुसी भएका छन्। वर्षदेखि एउटै कोठाबाटै सञ्चालन हुँदै आएको साँघुरो भवनबाट सेवा दिँदै आएको वडा कार्यालय आफ्नै भवन निर्माण गरेर सञ्चालनमा ल्याएपछि सेवाग्राहीहरु खुसी भएका छन्। एउटा कोठा भएको कच्ची भवनबाट वडा कार्यालय सञ्चालन भइरहेको बेला सेवा लिन जाने सेवाग्राहीहरूलाई सहज भएका छन् उद्घाटन कार्यक्रमको सञ्चालन वडा सचिव कृष्णनाम चौधरीले गरेका थिए। वडा नम्बर १० को कार्यालय करिब ८ वर्षदेखि साँघुरो भवनमा सञ्चालन हुँदै आएको थियोे ।
