त्रिकोणात्मक सिरिजः हङकङलाई ७९ रनले हराउँदै फाइनलमा प्रवेश

सेयर गर्नुहोस्

काठमाडौँ, कातित्तक ४–

काठमाडौँमा जारी त्रिकोणात्मक सिरिज अन्तरगत हङकङविरुद्धको दोस्रो खेलमा नेपाल ७९ रनले विजयी भएको छ । नेपालले दिएको २१४ रनको लक्ष्य पछ्याएको हङकङ निर्धारित ओभरमा ८ विकेट गुमाउँदै १३४ रन मात्रै बनाउन सक्यो ।

हङकङका लागि अंशुमन रथले सर्वाधिक ४५ र अजैज खानले २५ र बाबर हायतले २० रन बनाए । नेपालका लागि सोमपाल कामी, करन केसी र ललित राजवंशीले समान २ विकेट लिए भने प्रतिश जिशि र दीपेन्द्र सिंह ऐरीले समान एक विकेट लिए ।

यसअघि टस जितेर पहिले व्याटिङ गरेको नेपाल ६ विकेटको क्षतिमा २१३ रन बनाएको थियो । नेपालका लागि कुशल मल्लले सर्वाधिक ९२ बनाए । ४१ बल खेलेका मल्लले ९ छक्का प्रहार गरेका थिए । दीपेन्द्र सिंह ऐरीले ५७ रन बनाए । यी दुईले पाँचौं विकेटका लागि १४५ रनको किर्तिमानी साझेदारी गरेका थिए । नेपालले सुरुवातमा खराब प्रदर्शन गर्दै ५५ रनमै ४ विकेट गुमाएको थियो । आशिफ शेख २०, कप्तान रोहित पौडेल ११, सोमपाल कामी ८ र कुशल भुर्तेल २ रनमा आउट भए ।

आजको जितसंगै नेपाल त्रिकोणात्मक सिरिजको फाइनलमा प्रवेश गरेको छ । अब अन्तिम खेलमा नेपालले युएईसंग खेल्ने छ । नेपालले पहिलो खेलमा युएइलाई ७ र दोस्रो खेलमा हङकङलाई ६ विकेटले पराजित गरेको थियो । अन्तिम खेलमा नेपाल कात्तिक ६ गते पुनः युएईसंग खेल्नेछ ।