बारा, असोज १२ गते ।
बाराको जीतपुरसिमरा उपमहानरपालिका वडा नंम्बर–७ जीतपुरमा श्री दुर्गा पुजा आयोजना हुने भएको छ । जीतपुरमा वर्षौ देखि दशैको अवसरमा आयोजना हुदै आएको दुर्गा पुजालाई यस वर्ष पनि निरन्तर्ता दिदै धुमधामका साथ आयोना गर्न लागिएको हो ।
आफ्नो सँस्कृति जोगाउन जीतपुरमा दुर्गा पुजा आयोजना गरिदै आएको श्री दुर्गा पुजा समिति जीतपुरका अध्यक्ष सन्तोस साहले बताउनुभयो ।
जीतपुरसिमरा उपमहानगरपालिका वडा नम्बर ७ का वडा अध्यक्ष सुनिल गुप्ता सहित जीतपुरका अगुवाहरूको उपस्थितिमा यस वर्ष दुर्गापुजा धुमधामका साथ आयोजना गर्ने निर्णय गरिएको हो ।
श्री दुर्गा पुजा समिति जीतपुरका अध्यक्ष सन्तोस साहले भने “यस वर्षको दुर्गा पुजा धुम्धामका साथ हुने छ । आयोजक टिमले सम्पुर्णनगर बासि भक्तजनहरूलाई दुर्गा पुजामा सहयोग गर्न आग्रह समेत गरेको छ । यसपालिको दुर्गा पुजा हरेक वर्ष जस्तै जीतपुरको पुरानोस्वास्थ्य चौकि अर्थात शान्तिटोलको आदर्श धर्माशालामा आयोजना गरिने छ ।
दुर्गा पुजाको लागि काम समेत सुरू भैसकेको छ । शान्तिटोल स्थित आदर्श धर्मशालाको प्रांगणमा पण्डाल र मुर्ति निर्माणको काम सुरू भैसकेको छ ।
