स्पर्श खबर जितपुर बारा माघ ११ गते:
मित्र राष्ट्र भारतको ढाका मेसिमा भईरहेको फूटबल प्रतियोगितामा सहभागी हुने जीतपुर युवा क्लबको फूटबल टोलीलाई बुधबार एक कार्यक्रमबीच बिदाइ गरिएको छ ।
जीतपुर युवा क्लबको फूटबल टोलीलाई समाजसेवी मनोज कुमार साहले एक कार्यक्रमबीच उनीहरुलाई टिका लगाउदै राष्ट्रिय झण्डा प्रदान गरेर शुभकामना सहित बिदाई गरेका छन् ।
जीतपुर युवा कल्ब बाराले ढाकाको मेसिमा संचालन भएको फूटबल प्रतियोगितामा आज अपरान्ह ४ बजे मोतिहारी संग आफ्नो पहिलो खेल खेल्ने भएको छ ।बिनोद पासवानको नेतृत्वमा १६ सदस्यीय टोलि आज छिमेकी राष्ट्र भारतको ढाकामा पुग्ने छ ।
खेलाडीहरुलाई बिदाई गर्दै समाजसेवी मनोजकुमार साहले खेलकुदको विकासका लागि विभिन्न उमेर समूहको प्रतियोगिताको आवश्यकता रहेको भन्दै खेलाडीहरुलाई राष्ट्रको झण्डा उचाल्दै नेपालको नाम र शान राखेर प्रतियोगितामा विजयी हुन शुभकामना प्रदान गरे ।
