बाराको सिमरामा महिला डि.एस्.पी. आउँदै
मनोज साह, जीतपुर बारा, पौष १५
बारा जिल्लाको जीतपुरसिमरा उपमहानगरपालिका अन्तर्गतको इलाका प्रहरी कार्यालय सिमरामा पहिलो पटक महिला डिएसपी आउनुहुने भएको छ । नेपाल प्रहरी प्रधान कार्यालयले प्रहरी नायब उपरीक्षक (डिएसपी) सुभद्रा वाइबालाई ईलाका प्रहरी कार्यालय सिमरामा पठाउन लागेको हो ।
लगभग १० महिना पहिलेदेखि ईलाका प्रहरी कार्यालय सिमरामा कार्यरत डिएसपी चिरञ्जीवी दाहालको स्थानमा प्रहरी प्रधान कार्यालयले वाइबालाई सिमरा पठाउन लागेको हो । प्रहरी महानिरीक्षक बसन्त कुँवरले पाँच जना डिएसपीको काज सरुवा गर्ने निर्णय गरेका थिए । सोही क्रममा प्रहरी महानिरीक्षक कुँवरले वाइबालाई सिमरा पठाउन लागेका हुन् ।
सिमराका डिएसपी चिरञ्जीवी दाहाल १० महिना अघि मात्रै सिमरा आएका थिए । उनको अवधी बाँकी रहँदै प्रधान कार्यालयले अर्को डिएसपी पठाउन लागेको हो ।
