जनकपुर बोल्ट्सको टोलीले विश्वप्रसिद्ध गढीमाई मेलामा दर्शन
स्पर्श खबर जितपुर बारा १४ गते:
नेपाल प्रिमियर लिग (एनपीएल) को विजेता जनकपुर बोल्ट्सको टोलीले विश्वप्रसिद्ध गढीमाई मेलामा दर्शन गरेको छ । विजय उत्सव मनाउन मधेस प्रदेशको यात्रामा निस्केको जनकपुर बोल्ट्सको टोली आइतबार बारा जिल्लाको महागढीमाई नगरपालिकाको बरियारपुरस्थित गढीमाई मन्दिरमा पूजाअर्चना गर्दै दर्शन गरेका हुन् ।
कप्तान अनिल साहको नेतृत्वमा गढीमाई दर्शन गर्न पुगेको टोलीलाई महागढी नगरपालिकाका मेयर उपेन्द्र प्रसाद यादवले स्वागत गरेका छन् । टोली आजै बाराको कलैया हुँदै वीरगञ्ज आउने कार्यक्रम रहेको छ ।
टोलीले कलैयाको ट्रोफीसहित कलैया उपमहानगरपालिकाको पनि परिक्रमा गर्ने छ ।
